Tags-Diwangi

ġham se na āñsuoñ se na dīvāngī se ham
vāqif nahīñ the aap se pahle kisī se ham

shā.irī hāsil-e-dīvāngī-e-dil to nahīñ
narm halqe tirī zulfoñ ke salāsil to nahīñ

jo koī ki hai dasht vahshat kā sākin use hosh ke shahriyoñ se hai nafrat
ye dīvāngī kā nipaT ḳhuub aalam hai zanjīr kī jā ulañgoñ meñ rahiye

khulī na mujh pe bhī dīvāngī mirī barsoñ
mire junūn kī shohrat tire bayāñ se huī

jab zamāne ne saath chhoḌ diyā
apnī dīvāngī hī kaam aa.ī

koī kyā samjhā mirī dīvāngī ko kyā ḳhabar
aap kī nazroñ meñ thā itnā to mujh ko hosh thā

muddateñ ho ga.iiñ 'farāz' magar
vo jo dīvāngī ki thī hai abhī

na ab ehsās-e-ranj-o-ġham na ehsās-e-ḳhushī mujh ko
ye kis markaz pe le aa.ī mirī dīvāngī mujh ko

ishq kī dīvāngī miT jā.egī
yā kisī kī zindagī miT jā.egī

ye dīvāngī hai ki hālāt haa.el
vo sunte nahīñ haiñ magar kah rahā huuñ

maiñ ne dīvāngī meñ phāḌe hue
ḳhema-e-ḳhāk meñ basar kī raat

merī dīvāngī ḳhvāboñ se baġhal-gīr huī
dasht ābād kiyā jab kisī gulzār ke paas

dīvāngī merī ke tahayyur meñ shab-o-roz
hai halqa-e-zanjīr se zindāñ hama-tan-chashm

shagūfe phuul bante jā rahe haiñ
gayā mausam mirī dīvāngī kā

sar ko dīvār hī nahīñ miltī
so ye dīvāngī rahegī abhī

tumhārī zaat se mansūb hai dīvāngī merī
tumhīñ se ab mirī dīvāngī dekhī nahīñ jaatī

haa.e kyā dīvāngī thī ai 'vasīm'
jo na kahnā chāhiye thā kah gayā

mohabbat bā.is-e-dīvāngī hai aur bas maiñ huuñ
ki ab paiham ināyat aap kī hai aur bas maiñ huuñ

ham se dīvānoñ ke bin duniyā sañvartī kis tarah
aql ke aage hai kyā dīvāngī ye mat kaho

kabhī sar phoḌne detī nahīñ dīvār se 'tābish'
ye kyā dīvāngī hai jo hameñ nākāra rakhtī hai