Tags-Dost

kahā dost ne us se ba.ad-az-namāz
qasā.ī kahāñ hai batā do ye raaz

irāda ye zāhir kiyā dost par
ki manDī se laate haiñ ik jānvar

salāh-e-ishq de de kar kiye dete haiñ ḳhud rafta
tire shaidā.ī dil se dost ko dushman banāte haiñ

mile the dost ka.ī raah meñ hasīn magar
kisī ko saath mire duur tak na chalnā thā

adū kī bazm-e-tarab meñ sharīk kyā hote
mizāj-e-dost meñ ab tak bhī ishti.āl to hai

apne hisse meñ hī aane the ḳhasāre saare
dost hī dost the bastī meñ hamāre saare

us balā-e-jāñ se 'ātish' dekhiye kyūñkar bane
dil sivā shīshe se nāzuk dil se nāzuk ḳhū-e-dost

ai dost ham bhī zamīñ par dhueñ kī sūrat haiñ
fazā meñ kitnā dhuāñ hai dhuāñ rahegā koī

mujhe dost kahne vaale zarā dostī nibhā de
ye mutālba hai haq kā koī iltijā nahīñ hai

bas itnā hosh thā mujhe roz-e-vidā-e-dost
vīrāna thā nazar meñ jahāñ tak nazar ga.ī

ye kah ke yaad kareñge 'hafīz' dost mujhe
vafā kī rasm ko pā.inda kar gayā koī

jahāñ meñ hone ko ai dost yuuñ to sab hogā
tire laboñ pe mire lab hoñ aisā kab hogā

yaad aatā hai vo andāz-e-tajāhul ai dost
baat auroñ se magar rū-e-suḳhan dil kī taraf

apnā haq log kahāñ chhoḌte haiñ
dost ban jaa.eñ barādar ho jaa.eñ

kuchh mudāvā bhī ho majrūh diloñ kā ai dost
marham-e-zaḳhm tirā jaur-pashemāñ ho jaa.e

na ġhair hī mujhe samjho na dost hī samjho
mire liye ye bahut hai ki aadmī samjho

daaġh duniyā ne diye zaḳhm zamāne se mile
ham ko tohfe ye tumheñ dost banāne se mile

agar tū dost hai to phir ye ḳhanjar kyuuñ hai hāthoñ meñ
agar dushman hai to āḳhir mirā sar kyuuñ nahīñ jaatā