Tags-Dost

dost tarkash-ba-dosh haiñ 'shāzī'
zaḳhm kā indimāl kyā hogā

ek isī ummīd pe haiñ sab dushman dost qubūl
kyā jaane is sāda-ravī meñ kaun kahāñ mil jaa.e

yā tarīq-e-dost-dārī par bharosa hī na kar
yā fareb-e-dostī ke sehr ko bātil samajh

māyūs zindagī ke sahāre chale ga.e
Thukrā ke ham ko dost hamāre chale ga.e

vahī ḳhādimāna ravish rahe ye ḳhayāl-e-rahbarī chhoḌ do
ise pī sakoge na dost tum ye bahut hī gāḌhā qavām hai

bhalā 'shauq' un se dabeñge kyā bhalā 'shauq' un se Dareñge kyā
bhalā 'shauq' dar se uTheñge kyā ye ḳhayāl dost kā ḳhaam hai

mirī bahan mirī mahbūba ye ajab shai hai
jahāñ meñ ḳhaak nahīñ kuchh jo dost-vār nahīñ

ye jo ik nuur kī halkī sī kiran phūTī hai
kaun kahtā hai ise sub.h-e-daraḳhshāñ ai dost

katrā ke guzrī hai ravish dekho sahar
jo thī hamārī dost

'arsh' kis dost ko apnā samjhūñ
sab ke sab dost haiñ dushman kī taraf

zer-e-lab hai abhī tabassum-e-dost
muntashir jalva-e-bahār nahīñ

jo duā dete the jiine kī mujhe vo dost bhī
uTh ga.e bālīñ se merā haal abtar dekh kar

u-e-t meñ chhuTTiyāñ hone vaalī haiñ dost
kaun sā hostel kis kā kamra DhūñD rahā hai

us ke flat se bāhar koī duur kā dost
paas ke bus stop kā rasta DhūñD rahā hai

be-kasī meñ bhī baḌā kas-bal hai dost
maut kyā hai ziist ko Thukrā ke jī

kī shikāyat na koī shikva-e-bedād kiyā
kyā kahe vo ki jise dost ne barbād kiyā

ik aisā vaqt bhī aatā hai chāñdnī shab meñ
mirā dimāġh mirā dil kahīñ nahīñ hotā

chāhiye hai mujhe inkār-e-mohabbat mire dost
lekin is meñ tirā inkār nahīñ chāhiye hai

mahfil-e-dost meñ go sīna-figār aa.e haiñ
sūrat-e-naġhma ba-andāza-e-bahār aa.e haiñ

tū merā dost mirā yaar hai nahīñ hai kyā
tire bhī dil meñ bahut pyaar hai nahīñ hai kyā