Tags-Dost

ai dost judā.ī meñ terī kuchh aise bhī lamhe aate haiñ
sejoñ pe bhī taḌpā kartā huuñ kāñToñ pe bhī rāhat hotī hai

aa ki tujh bin is tarah ai dost ghabrātā huuñ maiñ
jaise har shai meñ kisī shai kī kamī paatā huuñ maiñ

jo chāhtā hai 'zafar' iltifāt-e-dost idhar
to dil meñ jazba-e-be-iḳhtiyār paidā kar

ek bigḌī huī qismat pe na hañsnā ai dost
jaane kis vaqt ye insān sañvar jaatā hai

tū dost hai to zabāñ se koī qarār na kar
na jaane tujh ko kisī vaqt aazmā le kaun

fitrat badal sakī na kabhī mere dost kī
lahbaḌ kisī tarah se bhī Toiyāñ na ho sakā

na pūchho yagānoñ kī begāngī ko
ye sab dost meñ dostī ho rahī hai

hai nā-sipās-e-vasl dil-e-hijr-e-dost ḳhabt
hai pāk-bāz chashm-e-haqīqat-nigar daroġh

vus.at-e-sahn-e-jahāñ kuchh kam na thī ai ishq dost
kyuuñ ghaTā itnā ki dil vāloñ ko zindāñ ho gayā

dost karte haiñ hasad is liye terī tasvīr
mā-sivā dil ke kahīñ aur sajā.ī na ga.ī

pāra-e-sīmāb bhī 'bilqīs' Thahrā hai kahīñ
vo talavvun-kesh kis kā dost kis kā āshnā

sub.h se raat kī māyūsī bhagāne kā sabab
koī to hotā mire dost magar koī nahīñ

jānte kab haiñ mujh ko apnā dost
mānte kab haiñ vo mirā kahnā

pās-e-paimān-e-mohabbat hai mujhe
chup raheñ dost adū bolegā

vo dost thā ki adū maiñ ne sirf ye jaanā
ki vo zamīn pe aayā mire sambhalte hī

apne dāman se to maiñ poñchh rahā huuñ aañsū
dāman-e-dost kī tauhīn magar hotī hai

āmad-e-dost kī naved kū-e-vafā meñ aam thī
maiñ ne bhī ik charāġh sā dil sar-e-shām rakh diyā

tālib-e-dost alag rahte haiñ sab se un ko
pās-e-asnām nahīñ ḳhvāhish-e-islām nahīñ

yuuñ nazar aate haiñ iḳhlās meñ Duube hue dost
dushmanoñ par koī uftād paḌī ho jaise

dil ko sukūn ruuh ko ārām aa gayā
maut aa ga.ī ki dost kā paiġhām aa gayā