Collections

Lab Shayari

Motivational Ghazals

Best Khamoshi Shayari

More Collections

Tags-Dost

ye kis hunar se kiyā tum ne ḳhud ko sair ai dost
ki duudh pī bhī liyā aur malā.ī sat.h pe hai

tera ghurur-e-abas intihai sath pe hai

har halqa-e-ḳhayāl hai tasvīr-e-rū-e-dost
afsūn-e-intizār ye kaisā nazar meñ hai

sauda tumhaare ishq ka jis din se sar mein hai

maiñ ne ġhazal sunā.ī 'zafar' kī zamīn meñ
sab dost mere mujh ko zafar bolne lage

har kaam yun karo ki hunar bolne lage

apne begāne se ab mujh ko shikāyat na rahī
dushmanī kar ke mire dost ne maarā mujh ko

apne begane se ab mujhko shikayat na rahi

aaj sunā kar apnā fasāna ham ye kareñge andāza
kitne dost haiñ hañsne vaale kitne rone vaale haiñ

Dubne wale ki mayyat par lakhon rone wale hain

nūr-afzā hai yād-e-chehra-e-dost
raat furqat kī be-sahar hī sahī

tum na aao to nama-bar hi sahi

the muntashar azal meñ jo zarrāt-e-kū-e-dost
insān ban ke ālam-e-imkāñ meñ aa ga.e

un ke baghair hum jo gulistan mein aa gae

chhoḌ is baat ko ai dost ki tujh se pahle
ham ne kis kis ko ḳhayāloñ meñ basā.e rakkhā

dil-e-pur-shauq ko pahlu mein dabae rakkha

dost pe karam karnā aur hisāb bhī rakhnā
kārobār hotā hai dostī nahīñ hotī

dil mein jo mohabbat ki raushni nahin hoti

tārīf sun ke dost se 'alvī' tū ḳhush na ho
us ko tirī burā.iyāñ karte hue bhī dekh

din ek ke baad ek guzarte hue bhi dekh

ai ḳhudā dard-e-dil hai baḳhshish-e-dost
āb-o-dāna nahīñ ki tujh se kaheñ

dukh fasana nahin ki tujhse kahen

aañkh jhapkī thī 'ḳhizar' nabz rukī thī ik dam
kuchh bhī kah lījiye vo dost kā jalvā to na thā

ashk aankhon mein na the did ka sauda to na tha

ye fitna aadmī kī ḳhāna-vīrānī ko kyā kam hai
hue tum dost jis ke dushman us kā āsmāñ kyuuñ ho

kisi ko de ke dil koi nawa-sanj-e-fughan kyun ho

justujū bhī mirā fan hai mire bichhḌe hue dost
jo bhī dar band milā us pe sadā de dūñgā

ek mohabbat ke ewaz arz-o-sama de dunga

pas-e-dīvār-e-abad dekh rahā huuñ ai dost
merī āñkhoñ meñ mire ahd kī bīnā.ī hai

KHalwat-e-zat hai aur anjuman-arai hai

na pūchh dost kī kitnā ḳharāb hotā hai
bas itnā jaan zamāna ḳharāb hotā hai

na puchh dost ki kitna KHarab hota hai

ham ko terī hai zarūrat na ise bhuul ai dost
tere iqrāroñ se matlab hai na inkāroñ se

chheD ai dil ye kisi shoKH ke ruKHsaron se

chal diye sab dost aur ahbāb tanhā chhoḌ kar
ab to majbūran ġharīq-e-jām honā chāhiye

raat-din josh-e-junun se kaam hona chahiye

dost jab zī-vaqār hotā hai
dostī kā meyār hotā hai

dost jab zi-waqar hota hai

beḌiyāñ vahm-e-ta.alluq kī na.ī pahnā ga.e
dost aa kar kāTte zanjīr tanhā.ī to kyā

mil sakegi ab bhi dad-e-abla-pai to kya