English
Favourite
Favourite
UrduShayarUrduShayar
Expand menu
Sign inAccount

Tags-Dua

gavāhī kaise TūTtī muāmla ḳhudā kā thā
mirā aur us kā rābta to haath aur duā kā thā
Sher
 gawahi kaise TuTti muamla KHuda ka tha
ḳhudā se baad meñ rakkhe hue hai duniyā ko
vo fāsla jo hathelī se ik duā tak hai
Ghazal
 qadam qadam ka ilaqa hai na-rawa tak hai
na taqāzā hai kisī se na talab
mudda.ā hai na duā hai mirā dil
Ghazal
 ahrman hai na KHuda hai mera dil
ḳhud hamīñ jab dast-e-qātil ko duā dete rahe
phir koī apnī sitamgārī pe sharmātā bhī kyā
Ghazal
 didani hai zaKHm-e-dil aur aap se parda bhi kya
kab haath uThā kar maiñ duā vasl kī māñgūñ
fursat hai junūñ meñ kab inheñ jāma-zarī se
Ghazal
 main aur ham-aghosh hun us rashk-e-pari se
niklī nahīñ hai dil se mire bad-duā kabhī
rakkhe ḳhudā adū ko bhī apnī amaan meñ
Ghazal
 aazar raha hai tesha mere KHandan mein
tum ho ki mire lab pe duā rahtī hai koī
ā.ankhoñ ne koī ḳhvāb sā dekhā hai ki tum ho
Ghazal
 sahra koi basti koi dariya hai ki tum ho
tujh sā bedād-gar kahāñ hogā
lab-e-har-zaḳhm ne duā dī hai
Ghazal
 tumne rasm-e-jafa uTha di hai
ab duā par bhī e'timād nahīñ
nā-murādī sī nā-murādī hai
Ghazal
 tumne rasm-e-jafa uTha di hai
meñh kyuuñ barse ḳhushk zamīñ par kaise ho maqbūl-e-duā
jab ḳhud bārish māñgne vaale nadiyāñ bech ke aa.e haiñ
Ghazal
 zaKHm ka marham dard ka apne darman bech ke aae hain
'ġhālib' vazīfa-ḳhvār ho do shaah ko duā
vo din ga.e ki kahte the naukar nahīñ huuñ maiñ
Ghazal
 daim paDa hua tere dar par nahin hun main
sard mausam meñ uThā kar haath ye māñgeñ duā
tan meñ jaañ baaqī rahe jaañ meñ sharar baaqī rahe
Ghazal
 in bala ki aandhiyon mein ek shajar baqi rahe
sar-nigūñ saarā jahāñ hai māmtā ke sāmne
bad-duā meñ hai duā us kī duā ke sāmne
Ghazal
 sar-nigun sara jahan hai mamta ke samne
vasl mumkin nahīñ visāl sahī
ab to kuchh aur hai duā merī
Ghazal
 rang laegi iltija meri
terī sūrat se ḳhudā se bhī shanāsā.ī thī
kaise kaise tire milne kī duā karte the
Ghazal
 kuchh ajab aan se logon mein raha karte the
duā kareñge magar us maqām se aage
tamām lafz jahāñ saath chhoḌ dete haiñ
Ghazal
 wo be-dili mein kabhi hath chhoD dete hain
nuqūsh-e-amal ko miTā kar koī
amīr-e-tilism-e-duā ho gayā
Ghazal
 haqiqat se jo aashna ho gaya
shāḳh se TūTte pattoñ kī tarah maiñ ne bhī
mausam-e-gul tire aane kī duā māñgī thī
Ghazal
 maine kab barq-e-tapan mauj-e-bala mangi thi
sitam tū kartā hai lekin duā bhī detā hai
mirā harīf mujhe hausla bhī detā hai
Ghazal
 sitam tu karta hai lekin dua bhi deta hai
maiñ ne un āñkhoñ kī ḳhātir
phūloñ jaisī ek duā kī
Ghazal
 koi na dekhe gunj hawa ki
Top Urdushayar.com