Tags-Duniya

maiñ aaj sāz-e-dil-o-jāñ pe gā.ūñ kaun sā giit
tumhāre paas bhī duniyā ke rū-ba-rū bhī maiñ

jī rahe the ham to duniyā thī ḳhafā
mar ga.e to der tak mātam rahā

log aate haiñ merā pata pūchhte mere sheroñ ko paḌh kar tujhe DhūñDte
tujh pe mere suḳhan kā na jaadū chalā maiñ ne duniyā duniyā ko asar kar liyā

merī duniyā kaise us ko raas aatī hai
us kā har andāz zamāne vaalā thā

tirī umiid pe Thukrā rahā huuñ duniyā ko
tujhe bhī apne pe ye e'tibār hai ki nahīñ

duniyā kī kashākash meñ phañs kar dil-e-ġham se bachānā paḌtā hai
murjhā.ī huī kaliyoñ ko yahāñ hañs hañs ke khilānā paḌtā hai

duniyā badal rahī hai zamāne ke saath saath
ab roz roz dekhne vaalā kahāñ se laa.eñ

mujhe lagtī hai duniyā ek Thokar apne paañv kī
maiñ jaane kaisī ujḌī saltanat kā shāhzāda huuñ

hameñ ḳhabar hai na apnī na ahl-e-duniyā kī
koī batā.e ye andāz-e-be-ḳhudī kyā hai

iid kā din hai rasm-e-duniyā hai
lauT aa aaj bad-gumāñ mere

hameñ kab raas aa saktī thī duniyā
ġhanīmat hai guzārā ho gayā hai

duniyā se kab kā uTh gayā hotā maiñ ai sanam
lekin tire ḳhayāl ne marne nahīñ diyā

kiyā sair sab ham ne gulzār-e-duniyā
gul-e-dostī meñ ajab rañg-o-bū hai

log kahte haiñ ki ho jaatī hai duniyā rañgīñ
ik nazar merī qasam merī taraf mere liye

haa.e vo bekasi-e-ishq ki duniyā thī ḳhilāf
dair hī thā na haram merī taraf mere liye

tum ko to pata hogā ki hamrāh tumhīñ the
duniyā mire ḳhvāboñ ko kidhar le ke ga.ī hai

martā hai kyuuñ to nāhaq yaarī briādrī par
duniyā ke saare naate haiñ jīte-jī tilak ke

vo mujh ko kyā batānā chāhtā hai
jo duniyā se chhupānā chāhtā hai

nazar aa jā.egā duniyā ko barq-o-tūr kā aalam
dam-e-dīdār be-ḳhud mujh ko zer-e-bām hone do

ai shaiḳh terī baat kā kyā e'tibār ho
parde meñ is abā ke bhī duniyā na ho kahīñ