Tags-Duniya

qaid meñ kitnī baḌhī mere junūñ kī kāhilī
us se kam hai jitnī duniyā bhar ke be-kāroñ meñ hai

chāñd hī kah de jo dekhā ho kahīñ tujh sā hasīñ
us ne bhī dekhī hai duniyā ye bhī sayyāroñ meñ hai

pahle bhī ḳharāb thī ye duniyā
ab aur ḳharāb ho ga.ī hai

mujh ko duniyā jaan letī thī kisī ke naam se
vāqiye gum ho ga.e haiñ jaise afsānoñ ke biich

mudda.ā mere junūñ kā to hai tahsīn-e-bahār
aur duniyā ye samajhtī hai ki saudā.ī hai

sab allāh ke bande haiñ
koī nahīñ duniyā meñ haqīr

duniyā meñ talab hī kā tamāsha to lagā hai
mansūr hameñ ban ke dikhāo to bane baat

isī baa.is to duniyā kī musībat ġham nahīñ hotī
ye duniyā ġham to detī hai sharīk-e-ġham nahīñ hotī

ḳhushī mahsūs kartā huuñ to duniyā saath detī hai
musībat meñ magar āmāda-e-mātam nahīñ hotī

ahd-o-paimān tumhāre na badalne paa.eñ
saarī duniyā jo badaltī hai badal jaane do

duniyā hai ki gosha-e-jahannam
har vaqt azāb-e-ilāhī tauba

ḳhud ko samjhā.ūñ ki duniyā kī ḳhabar-gīrī karūñ
is mohabbat meñ koī ek musībat hai mujhe

unheñ duniyā meñ jiinā bhī sikhāo
rihā.ī mas.ale kā hal nahīñ hai

talḳhī kā ehsās miTā de duniyā se
yā-rab tū har peḌ kā phal mīThā kar de

kal qat.a ta.alluq kar lenā is vaqt to duniyā merī hai
ye raat kī qasmeñ jhūTī haiñ ye raat kī niyyat Thiik nahīñ

de mujh ko duā terī talabgār hai duniyā
tū jo mujhe samjhā hai maiñ kuchh us se fuzūñ huuñ

hamārī raah meñ baiThegī kab tak terī duniyā
kabhī to is zuleḳhā kī javānī ḳhatm hogī

na.e sire se phir aaj 'kaifī' ham apnī duniyā basā rahe haiñ
jo kho chuke us se be-ḳhabar haiñ jo rah gayā vo luTā rahe haiñ

ham na duniyā ke haiñ na diiñ ke haiñ
ham to ik zulf-e-ambarīñ ke haiñ

kāshif-'ġhā.er' dil kā qarz chukāne meñ
duniyā bhar kī daulat kam paḌ jaatī hai