Tags-Duniya

ham is liye na.ī duniyā ke saath chal na sake
ki jaise rañg ye badlī hai ham badal na sake

guzishta raat
maiñ ḳhvāboñ kī duniyā se

husn se va.ada-ḳhilāfī ishq se taubā kareñ
diin ke bhī hoñ bure duniyā ko bhī rusvā kareñ

jo din nahīñ guzarnā the vo bhī guzar ga.e
duniyā hai ham haiñ aur hai vo bebasī ki bas

duniyā ġharīb jaan ke hañstī thī 'mīr' par
'iqbāl' mujh pe aise ye duniyā hañsī ki bas

duniyā hai ki un ke ruḳh o gesū pe miTī hai
hairān hazāroñ haiñ pareshān hazāroñ

thī jin kī yaad se raushan ḳhayāl kī duniyā
vo aise rūThe bisāt-e-ḳhayāl se bhī ga.e

sochūñ to yahāñ kuchh bhī nahīñ dekhne qābil
dekhūñ to tirī duniyā baḌī rañg bharī hai

tū apne ap ko sūraj banā kar pesh kar pahle
bas ik maiñ hī nahīñ duniyā tire chakkar lagā.egī

jhukā.egī use kyā ḳhaak duniyā
ḳhudā ke sāmne jhuktā jo sar hai

zindagī dekh lī maiñ ne tirī duniyā ki jahāñ
vaqt ne chhīn liye ḳhvāb suhāne mere

unheñ pā ke mahsūs kartā huuñ 'irfāñ'
ki duniyā mujhe āzmāne lagī hai

mirī Thahrī huī duniyā meñ halchal sī machā Daalī
dabe-pāñv chaleñ gor-e-ġharībāñ dekhne vaale

kahīñ sotī huī duniyā na pā.emāl ho jaa.e
zarā āhista ai gor-e-ġharībāñ dekhne vaale

duniyā soche shauq se soche aaj aur kal ke baare meñ
maiñ kyuuñ apnā chain gañvā.ūñ us pāgal ke baare meñ

maiñ dariyā huuñ magar bahtā huuñ maiñ kohsār kī jānib
mujhe duniyā kī pastī meñ utar jaanā nahīñ aatā

na kār-e-dil ke the laa.eq na kār-e-duniyā ke
jo kuchh kiyā to ġham-e-māh-o-sāl ham ne kiyā

aisā uljhā huuñ ġham-e-duniyā meñ
ek bhī ḳhvāb-e-tarab yaad nahīñ

duniyā tumheñ aziiz hai mere sivā magar
aalam hai nā-pasand tumhāre sivā mujhe

agar ho koī rū-shanāsī kā tālib to pahle muqallid bane ā.īne kā
kudūrat se allāh mahfūz rakkhe baḌī shai hai duniyā meñ dil kī safā.ī