Tags-Duniya

din bhar to maiñ duniyā ke dhandoñ meñ khoyā rahā
jab dīvāroñ se dhuup Dhalī tum yaad aa.e

duniyā se duur apne barābar khaḌe rahe
ḳhvāboñ meñ jāgte the magar raat ho ga.ī

'sāhil' fareb-e-fikr hai duniyā kī dāstāñ
kuchh raaz khul chale the magar raat ho ga.ī

mujh pe jo tū ne sitam Dhāyā hai
kahīñ duniyā meñ huā bhī hogā

aap sā koī nahīñ duniyā meñ
aap ne ye to sunā bhī hogā

ik dard hai apne dil meñ bhī ham chup haiñ duniyā nā-vāqif
auroñ kī tarah dohrā dohrā kar us ko fasānā kaun kare

'mullā' kā galā tak baiTh gayā bahrī duniyā ne kuchh na sunā
jab sunñe vaalā ho aisā rah rah ke pukārā kaun kare

baġhair ishq añdhere meñ thī tirī duniyā
charāġh-e-dil na jalāte to aur kyā karte

ḳhatā koī nahīñ pīchhā kiye hue duniyā
jo mai-kade meñ na jaate to aur kyā karte

mujh ko duniyā ne to nafrat ke sivā kuchh na diyā
mar hī jā.ūñgā agar pyaar tumhārā na milā

dīn-o-duniyā kā hamesha ham ko detī hai sabaq
raushnī hī raushnī detā hai is kā har varaq

sīkhtī hai is se duniyā kāmrānī kā hunar
ye atā kartī hai sab ko zindagānī kā hunar

ye hameñ batlātī hai ham kyā haiñ aur duniyā hai kyā
ye hameñ batlātī hai rab kaun hai uqbā hai kyā

ham ko jannat kī fazā se bhī ziyāda hai aziiz
yahī be-rañg sī duniyā yahī be-mehr se log

ab sher zor-e-be-hunarī se likheñge ham
duniyā ne saare dast-e-hunar kaaT Daale haiñ

havas ne ḳhuld ajal ne chhuḌā.ī ye duniyā
ḳhabar nahīñ mirī miTTī hai ab kahāñ ke liye

duniyā na thī jo pyaar ke qābil to kis liye
ham ko asīr-e-ḳhvāhish-e-duniyā kiyā gayā

duniyā hamāre qatl ko kahtī hai ḳhud-kushī
marne ke ba.ad bhī hameñ rusvā kiyā gayā

jab tak na āzmā.eñ mushkil hai ye batānā
duniyā meñ kaun 'rif.at' qābil hai dostī ke

duniyā kī bahāroñ se āñkheñ yuuñ pher liiñ jaane vāloñ ne
jaise koī lambe qisse ko paḌhte paḌhte uktā jaa.e