Tags-Duniya

duniyā hama-tan-gosh hai, āhista se bolo
kuchh aur qarīb aao, koī sun na rahā ho

duniyā ko ḳhabar kyā hai mire zauq-e-nazar kī
tum mere liye rañg ho, ḳhushbū ho, ziyā ho

maiñ tujh se bichhaḌ kar yahī samjhā huuñ ki duniyā
dīvār to hai sāya-e-dīvār nahīñ hai

koī to ho jo merā haath thāme
maiñ ye duniyā badalnā chāhtā huuñ

fazā hai tiira o tārīk aur us kā ḳhayāl
na jaane kaun sī duniyā meñ jā ke soyā hai

zid meñ aa kar chhoḌ rahī hai un bāñhoñ ke saa.e
jal jā.egī mom kī guḌiyā duniyā dhūp-sarā.e

ishq duniyā pe ināyāt kiye jaatā hai
kis ko karne haiñ ye sab qarz adā mere ba.ad

nahīñ maiñ yuuñ nahīñ kahtā
ki ye duniyā jahannam aur ham sab is kā īñdhan haiñ

jab raat kā baḌhtā hai sannāTā chain se duniyā sotī hai
tab aañkh mirī khul jaatī hai aur dil kī rag rag rotī hai

jab rotā hai bahzād-e-'hazīñ' vo shā.ir vo dīvāna sā
vo dil vaalā vo saudā.ī vo duniyā se begāna sā

kuchh nahīñ hai tirī duniyā meñ hayūloñ ke sivā
mujh se pahle bhī vahī thā jo huā mere ba.ad

ḳhatm afsāna huā baat samajh meñ aa.ī
saarī duniyā ne mujhe jaan liyā mere ba.ad

ye dil duniyā se baaz aane lagā hai
ki ab siine meñ raaz aane lagā hai

bahut ab ho chukī duniyā se yaarī
udhar se e'tirāz aane lagā hai

kyā rasm-e-ehtiyāt bhī duniyā se uTh ga.ī
ye sochnā paḌā mujhe terī hañsī ke ba.ad

terī duniyā meñ kahīñ par bhī karūñ maiñ sajda
terā jalva to mire pesh-e-nazar hotā hai

agar tumhārī hai tanhā to is ko le jaao
agar hai sājhī ye duniyā to sājhedārī rakh

ik shor sameTo jīvan bhar aur chup dariyā meñ utar jaao
duniyā ne tum ko tanhā kiyā tum is ko tanhā kar jaao

shorish-e-duniyā ko āhista-ravī kā hukm ho
nazr-e-ḳhair-o-shar tire shorīda-sar ho jā.eñge

ḳhayāl-e-ḳhām ko duniyā apaj samajhtī hai
hamārī dīda-varī ke kamāl kā kyā ho