Tags-Duniya

zāhirī āñkhoñ se dekho to dikhā.ī de pahāḌ
bātinī āñkhoñ se dekho to hai raa.ī duniyā

ye qadam tere ta.āqub meñ chale haiñ kitnā
ye batā.egī mirī ābla-pā.ī duniyā

jitne dukh-dard tahā.if meñ diye hai tū ne
le ke aa.egī azal sab kī davā.ī duniyā

'faiz' jo phirtī hai ḳhud ḳhāna-ba-doshoñ kī tarah
kyā karegī vo merī rāh-numā.ī duniyā

man kī duniyā man kī duniyā soz o mastī jazb o shauq
tan kī duniyā tan kī duniyā suud o saudā makr o fan

man kī duniyā meñ na paayā maiñ ne afrañgī kā raaj
man kī duniyā meñ na dekhe maiñ ne shaiḳh o barhaman

'maḳhmūr' ye duniyā vo rasad-gāh-e-ajal hai
zinda hai yahāñ koī to marne ke liye hai

nahīñ hai farq koī nuur aur zulmat meñ
havās gum haiñ vo palTā liyā hai duniyā ne

dil kī duniyā meñ añdherā ho to kuchh raushan nahīñ
aañkh chashm-e-sañg hai shams o qamar hote hue

nisf duniyā bhuuk se aur pyaas se maġhlūb hai
dast o baazū zehn o dil la.al-o-gohar hote hue

tanhā kar ke mujh ko salīb-e-savāl pe chhoḌ diyā
maiñ ne bhī duniyā ko us ke haal pe chhoḌ diyā

hameñ kis ḳhvāb se lalchā.egī ye pur-fusūñ duniyā
khurach Daalā hai lauh-e-dil se harf-e-mudda.ā ham ne

ik na.ī duniyā kī ḳhilqat hai mirī taḳhlā.ī meñ
jo muāvin ho sake insān kī takmīl meñ

tāzgī vaj.h-e-shaguft-e-ḳhātir-e-ālam rahe
merī duniyā meñ hamesha ek hī mausam rahe

'hafīz' sab se baḌī ḳharābī hai ishq meñ lutf-e-kām-yābī
kisī kī duniyā tabāh kar de kisī kī uqbā ḳharāb kar de

kahte haiñ aañkh aañkh se milnā hai bandagī
duniyā ke chhoḌ kaam! zarā aañkh to milā

apne kirdār se duniyā ko hilā kar rakh de
varna kyā fā.eda is tarah guzāra kar ke

kis ne paayā sukūn duniyā meñ
zindagānī kā sāmnā kar ke

kamra-e-imtihān hai duniyā
har ghaḌī imtihāñ meñ rahnā hai

ab yādoñ kī dhuup chhāñv meñ parchhā.īñ sā phirtā huuñ
maiñ ne bichhaḌ kar dekh liyā hai duniyā narm qadam na huī