Tags-Duniya

use duniyā kī nigāhoñ se karūñ maiñ mahfūz
vo vahāñ ho ki jahāñ dekh na pā.ūñ us ko

kaun hai jo rakhtā hai dost is qadar mujh ko
ajnabī sī duniyā meñ kaun āshnā sā hai

ik ijlās thā dīvānoñ kā jis kī ye rūdād banī!
sadiyoñ se bīmār hai duniyā aur masīhā niiñd meñ hai

jaag rahī hai rūh-e-āhan ḳhvāb meñ hai insāñ kā zamīr
bedārī kī sau lahreñ haiñ phir bhī ye duniyā niiñd meñ hai

inqalāb ek ḳhvāb hai so hai
dil kī duniyā ḳharāb hai so hai

jaisī honī chāhiye thī vaisī to duniyā nahīñ
duniyā-dārī bhī zarūrat hai chalo yuuñ hī sahī

yuuñ to har chiiz salāmat hai mirī duniyā meñ
ik ta.alluq hai ki jo TuuTā huā lagtā hai

sab uḌāte haiñ mirī sard-dimāġhī kā mazāq
yaanī duniyā ko zarūrat hai nigahbānī kī

aap se aap vo aa.e mire ghar aaj kī raat
dīn-o-duniyā kī nahīñ mujh ko ḳhabar aaj kī raat

ādhī-adhūrī duniyā meñ
kaun mukammal hai sāhab

koī us sitamgar ko āgāh kar de ki baaz aa.e āzār dene se jhaT-paT
udhar kī idhar aaj hotī hai duniyā marīz-e-mohabbat badaltā hai karvaT

us ke naġhmoñ se mast hai duniyā
kitnā pur-kaif sāz-e-hastī hai

ho na dushman ko mohabbat se sarokār kabhī
koī duniyā meñ kisī ko na kare pyaar kabhī

ab tak jo jī chukā huuñ janam gin rahā huuñ maiñ
duniyā samajh rahī hai ki ġham gin rahā huuñ maiñ

duniyā se jaane vāloñ kā koī pata nahīñ
yā rab mire ye log kahāñ jā ke rah ga.e

tamām-duniyā kā laḳht-e-jigar banā huā thā
vo aadmī jo mirā dard-e-sar banā huā thā

ham bāda-parastoñ ne chheḌī jo hadīs-e-mai
khulte hue duniyā ke asrār nazar aa.e

sach hai hogā duniyā meñ koī ham sā kam tanhā
ham-nafas nafas tanhā ham-qadam qadam tanhā

amal se dosto duniyā hai jannat bhī jahannam bhī
nisāb-e-zindagī insāñ ke kirdāroñ pe likkhā hai

use puuje hai 'muztar' ugtā sūraj jaan kar duniyā
ki jis ne naam apnā vaqt ke dhāroñ pe likkhā hai