Tags-Duniya

mai-kade ke sivā milī hai kahāñ
aur duniyā meñ raushnī hai kahāñ

duniyā meñ yahī soch ke zinda huuñ maiñ 'afzal'
ehsās to baḳhshā hai mujhe mere ḳhudā ne

maiñ naqsh-o-rañg kī duniyā luTā ke aayā huuñ
mirī nigāh maiñ ab tāj-o-taḳht kuchh bhī nahīñ

chashm-e-haq-bīñ meñ duniyā ye kuchh bhī nahīñ
sirf āñkhoñ meñ dilkash banā dī ga.ī

terī zulfeñ tirī āñkheñ tire abrū tire lab
ab bhī mash.hūr haiñ duniyā meñ misāloñ kī tarah

vo bhī sach kahte haiñ 'aḳhtar' log begāne hue
ham bhī sachche haiñ ki duniyā kā chalan aisā na thā

kis ne paayā sukūn duniyā meñ
zindagānī kā sāmnā kar ke

ba-zo.am-e-jabr tasarruf meñ jin ke duniyā thī
vo aaj rahm kī taḳhtī gale meñ Daale haiñ

bhaag vīrāna-e-duniyā se ki is manzil meñ
nuzl-e-mehmān ba-juz mā.ida-e-āz nahīñ

baabā duniyā jiit ke maiñ dikhlā dūñgā
apnī nazar se duur to mujh ko jaane de

use to daulat-e-duniyā bhī kam bhī paane ko
mirī to zaat kā mīzān bhī ziyāda nahīñ

dī haiñ duniyā meñ ne.amateñ kyā kyā
apne bandoñ ko ai ḳhudā tū ne

naaz us ne uThā.e ai 'hāfiz'
rah ke duniyā meñ kyā kiyā tū ne

jiine vāloñ kī duniyā har lamha rañg badaltī hai
ḳhasta imkānāt kī kaḌiyāñ TuuT ke girtī haiñ

pahlū meñ shab-e-tār ke hai kaun sī duniyā
jis ke liye āġhosh sahar khol rahī hai

mujhe safīr banā apnā kū-ba-kū ai ishq
kise havas hai ki duniyā meñ kāmyāb banā

ḳhauf hai din ko dekhe na duniyā ho na taqaddus aap kā rusvā
qasd hai mai-ḳhāne kā jo vaa.iz is ke liye hai shaam munāsib

sīm-o-javāhar māh-laqā le apnī harīm-e-nāz sajā le
ḳhuub maze duniyā ke uḌā le haiñ abhī ye ayyām munāsib

tujhe halqa-ba-halqa khīñchte phirte haiñ duniyā meñ
so ai zanjīr-e-pā yuuñ bhī tirī shohrat ziyāda hai

ye saarī āmad-o-raft ek jaisī to nahīñ 'shāhīn'
ki duniyā meñ safar kam kam hai aur hijrat ziyāda hai