Tags-Duniya

ye kaisā khel hai ai chashm-e-pur-fan
udhar kyuuñ ho ga.ī duniyā idhar kī

jīte-jī dushvār kitnā thā safar
ab na duniyā hai na diiñ hai ishq hai

nasab ye hai ki vo dushman ko kam-nasab na kahe
ajab ye hai ki ye duniyā use ajab na kahe

ab to duniyā bhī vo duniyā na rahī
ab tirā dhyān bhī utnā na rahā

maiñ 'shād' tanhā ik taraf aur duniyā kī duniyā ik taraf
saarā samundar ik taraf aañsū kā qatra ik taraf

ek din sub.h jo uTTheñ to ye duniyā hī na ho
hai madār ab kisī aisī hī ḳhush-imkānī par

us ko duniyā usī ko diin kiyā
ain insāf ke qarīn kiyā

mere nāloñ pe koī duniyā meñ
bin kiye aah kam rahā hogā

duniyā apnī manzil pahuñchī tum ghar meñ bezār paḌe
tum se kis ko ishq huā hai tum pe ḳhudā kī maar paḌe

duniyā taj kar ishq ke raste aa.e vo bhī sahl paḌā
'vajd' ab us raste par jaao jo rasta dushvār paḌe

insān aap apnī tabāhī ko kam nahīñ
duniyā kī is tabāhī ko kār-e-ajal na likh

kyuuñ dhyān baTātī hai mirā gardish-e-duniyā
haT jā ki na farq aa.e mirī laġhzish-e-pā meñ

na paane se kisī ke hai na kuchh khone se matlab hai
ye duniyā hai ise to kuchh na kuchh hone se matlab hai

ye to suntī hai faqat dirham-o-dīnār kī baat
ye hai duniyā ise kirdār nahīñ chāhiye hai

is dohrī zindagī meñ bhī lākhoñ azaab haiñ
duniyā se dil hai barsar-e-paikār kyā kareñ

tum bhī duniyā ko sunāte ho kahānī jhūTī
maiñ ne bhī parde girā rakkhe haiñ ā.īne meñ

tan kī miTTī meñ ugā zahr kā paudā chup-chāp
mujh meñ badlī huī duniyā kā asar to aayā

hamārā haal zamāne se kuchh judā to nahīñ
ye dāstāñ nahīñ duniyā kī dāstāñ se alag

ġhairoñ kī bastiyoñ meñ rahne ko aa rahe haiñ
is dil ko chhoḌ kar ham duniyā banā rahe haiñ

vo ek shaḳhs asāsa hai qīmtī merā
usī ke naam pe duniyā luTā.e jaate haiñ