Tags-Duniya

yahāñ ḳhushī to nahīñ hai magar pa.e taskīñ
ġhamoñ kā naam ḳhushī rakh liyā hai duniyā ne

hai kasak kitnī dil lagāne meñ
dil kī duniyā basā ke dekh liyā

baḌe dil-kash haiñ duniyā ke ḳham o pech
nazar meñ zulf sī lahrā rahī hai

mere ash.ār meñ paiġhām thā duniyā ke liye
merā dīvān bhī rakkhā gayā injīl ke saath

haal kyā pūchho ho 'manzar' kā vo dekho us taraf
saarī duniyā se alag apnī sanā kartā huā

duniyā to sīdhī hai lekin duniyā vaale
jhūTī sachchī kah ke use bahkāte hoñge

kyuuñ nibhā.egā vo paimān-e-vafā mujh se ki vo
saarī duniyā se baġhāvat to nahīñ kar saktā

paas baiThe koī dil khol ke do baat kare
baaqī duniyā ke ye atvār-o-adā tum rakh lo

ham jaisoñ ne jaan gañvā.ī pāgal the
duniyā jaisī kal thī bilkul vaisī hai

pahlū meñ dard-e-ishq kī duniyā liye hue
baiThā huuñ zindagī kā sahārā liye hue

pahuñche to dil meñ josh-e-tamannā liye hue
lauTe magar luTī huī duniyā liye hue

suḳhan payām ho duniyā ke vāste koī
diloñ ke vāste taqrīr chāhtā hai dil

sochne baiTheñ to is duniyā meñ
ek lamha na guzārā jaa.e

phir jaa.eñ hamesha ko duniyā se mirī āñkheñ
marte dam agar jalva terā nazar aa jaa.e

jo terī ḳhātir tamām duniyā kī ishratoñ se farār ho kar
na.e tamaddun ke zā.iche meñ

batā.ūñ kyā tujhe ai ham-nashīñ kis se mohabbat hai
maiñ jis duniyā meñ rahtā huuñ vo is duniyā kī aurat hai

zabāñ par haiñ abhī ismat o taqdīs ke naġhme
vo baḌh jaatī hai is duniyā se aksar is qadar aage

pūchh rahī hai duniyā mujh se vo harjā.ī chāñd kahāñ hai
dil kahtā hai ġhair ke bas meñ maiñ kahtā huuñ mere dil meñ

duniyā meñ hai nairañgī-e-taqdīr tamāshā
the ābla-pā kal to haiñ ab taḳht-nashīñ ham

sabhī 'imrran' kī sūrat nahīñ hote haiñ duniyā meñ
har ik insān ko dil meñ basāyā bhī nahīñ jaatā