Tags-Duniya

dil ko abrū haiñ pasand aañkh ko chashm-e-mai-gūñ
koī duniyā meñ hilālī hai koī jaamī hai

jidhar jaatā huuñ duniyā Toktī hai
idhar kā rāsta terā nahīñ hai

maiñ ne dekhī hai amīr-e-shahr kī vo muflisī
daulat-e-duniyā thī lekin ġham kā sarmāya na thā

baḌe ajiib haiñ duniyā ke ye nasheb-o-farāz
koī paḌhe kahāñ jā kar mohabbatoñ kī namāz

kisī kā bhī nahīñ ab e.atibār duniyā meñ
kaheñ to kis ko kaheñ ham jahān meñ hamrāz

bantī rahī ik duniyā 'qatīl' apnī ḳharīdār magar ham
yūsuf na bane aur zuleḳhāoñ se aage nikal aa.e

ek duniyā kī kashish hai jo idhar khīñchtī hai
ik tabī.at hai ki āzār-e-hunar khīñchtī hai

mirī duniyā akelī ho rahī hai
tamannā ghar meñ tanhā so rahī hai

hañso to saath hañsnegī duniyā baiTh akele ronā hogā
chupke chupke bahā kar aañsū dil ke dukh ko dhonā hogā

bairan riit baḌī duniyā kī aañkh se jo bhī Tapkā motī
palkoñ hī se uThānā hogā palkoñ hī se pironā hogā

jaras hai kārvān-e-ahl-e-ālam meñ fuġhāñ merī
jagā detī hai duniyā ko sadā-e-al-amāñ merī

har ik zarra hai sahrā aur har sahrā hai ik duniyā
magar is vus.at-e-ālam meñ gunjā.ish kahāñ merī

vā dareġhā ki zarā qadr na kī duniyā ne
'krishn-mohan' tire irfān kī gahrā.ī kī

ye jītī-jāgtī āñkheñ ye ḳhvāb sī duniyā
vufūr-e-shauq ḳhud apnī jazā na ho jaa.e

yahī bahut hai ki is ḳhār-zār-e-duniyā meñ
tujhe ham apne gale se lagā to sakte haiñ

dil ko ham chhoḌ ke duniyā kī taraf aa.e the
ye shabistāñ bhī isī ġhāliya-mū kā niklā

merī duniyā meñ bas tū hī tū hai
ab batā terā faisla hai kyā

zulmat-e-ġham kā nishāñ tak na nazar aa.e kahīñ
vo ḳhayālāt kī duniyā meñ sahar paidā kar

'āftāb' ab tirī taqdīr kā chamkegā zarūr
mard ban kar koī duniyā meñ hunar paidā kar

shikve kī charchā hotī hai chupke hī rahnā behtar hai
dil ko jalānā dil-sozī hai ye ġham-e-duniyā ġham-ḳhvārī hai