Tags-Duniya

duniyā meñ jab se aa.e rahā ishq-e-gul-ruḳhāñ
ham is jahāñ meñ misl-e-sabā ḳhaak uḌā chale

fikr-e-qanā.at un ko mayassar huī kahāñ
duniyā se dil meñ le ke jo hirs-o-havā chale

is dard kī maarī duniyā meñ aise insāñ kyuuñ baste haiñ
jo saarī umar zarūrat kī chīzoñ ke liye bhī taraste haiñ

nahīñ duniyā ko jab parvā hamārī
to phir duniyā kī parvā kyuuñ kareñ ham

merī duniyā meñ abhī raqs-e-sharar hotā hai
jo bhī hotā hai ba-andāz-e-digar hotā hai

ek hī fankār ke shahkār haiñ duniyā ke log
koī bartar kis liye hai koī kam-tar kis liye

kohr meñ Duubī ye sarmā kī saver ai duniyā
tum samajhtī ho tumhāre liye phirtā huuñ maiñ

us mire saude kā duniyā meñ Thikānā hai kahīñ
jaan kā gāhak jo hai us ke ḳharīdāroñ meñ huuñ

pher lī tū ne jab se apnī nazar
merī duniyā siyāh hai pyāre

ik ret kī dīvār kī sūrat the sab ādarsh
jin ke liye ik umr maiñ duniyā se laḌā huuñ

duniyā bhar kī shān-o-shaukat jyuuñ kī tyuuñ hī dharī rahī
mere bai-rāgī man meñ jab sach aayā to jhuuT gayā

duniyā kī nigāhoñ meñ bhalā kyā hai burā kyā
ye bojh agar dil se utar jaa.e to achchhā

jahān-e-rañg-o-bū par miTne vaalo
ye duniyā mauj hai sāhil nahīñ hai

maiñ jab yahāñ se gayā mere haath ḳhālī the
hisāb le liyā duniyā ne paa.ī paa.ī kā

tajalliyāt kī tasvīr khīñch kar dil meñ
tasavvurāt kī duniyā basā rahā huuñ maiñ

badaltī rahtī hai duniyā mire ḳhayāloñ kī
kabhī milā huuñ kabhī yaar se judā huuñ maiñ

aisā na ho duniyā kī vus.at se nikalte hī
apne meñ simaTne par majbūr kiyā jā.ūñ

ye javāhir-ḳhāna-e-duniyā jo hai bā-āb-o-tāb
ahl-e-sūrat kā hai dariyā ahl-e-ma.anī kā sarāb

ab vahī duniyā meñ Thahre amn-e-ālam ke amiiñ
jo amaañ kī jā tak asbāb-e-tabāhī le ga.e

māl-o-zar kī qadr kyaa? ḳhūn-e-jigar ke sāmne
ahl-e-duniyā hech haiñ ahl-e-hunar ke sāmne