English
Favourite
Favourite
UrduShayarUrduShayar
Expand menu
Sign inAccount

Tags-Duniya

maiñ apne hujre meñ nān-o-namak pe qaane thā
vo chal diyā mirī jholī meñ Daal kar duniyā
Ghazal
 tere firaq mein dil se nikal kar duniya
hamārī khoj meñ phirte haiñ anfus o āfāq
ham aise darbadaroñ kā ḳhayāl kar duniyā
Ghazal
 tere firaq mein dil se nikal kar duniya
māhaul sāzgār-e-mizāj-e-vafā na thā
duniyā se bach ke un kī nazar dekhtī mujhe
Ghazal
 wade ka etibar to hai waqai mujhe
tumhāre ishq meñ duniyā hai dushman
ḳhudā.ī mujh ko maare Dāltī hai
Ghazal
 judai mujhko mare Dalti hai
rasm-e-duniyā bhī vahī rāh-e-tamannā bhī vahī
vahī mil baiTh ke hañsnā vahī tanhā ronā
Ghazal
 aaj ro kar to dikhae koi aisa rona
aaj bhī burī kyā hai kal bhī ye burī kyā thī
is kā naam duniyā hai ye badaltī rahtī hai
Sher
 aaj bhi buri kya hai kal bhi ye buri kya thi
saaf kahtā huuñ kināya nahīñ ilhām nahīñ
kyā ho ārām se duniyā tujhe ārām nahīñ
Ghazal
 mera jazba ki jo KHud-fahm hai KHud-kaam nahin
achchhā bhalā paḌā thā maiñ apne vajūd meñ
duniyā ke rāste pe mujhe rakh diyā gayā
Ghazal
 kaghaz tha main diye pe mujhe rakh diya gaya
uTThā huuñ ik hujūm-e-tamannā liye hue
duniyā se jā rahā huuñ maiñ duniyā liye hue
Ghazal
 uTTha hun ek hujum-e-tamanna liye hue
duniyā-e-ārzū se kināra to kar ke dekh
duniyā khaḌī hai daulat-e-duniyā liye hue
Ghazal
 uTTha hun ek hujum-e-tamanna liye hue
aisā rañg lagāo 'hasrat'
duniyā se begānī kar do
Ghazal
 mujhko prem kahani kar do
vahdahū-lā-sharīk-la hai tū
tujh sā duniyā meñ hai na uqbā meñ
Ghazal
 bas tamanna hai ishq-e-maula mein
tirī nigāh-e-karam kī qasam hai ab bhī mujhe
yahī yaqīn ki duniyā badal to saktī hai
Ghazal
 hawa zamane ki saqi badal to sakti hai
baḌe qarīb se ho kar guzar ga.ī duniyā
milā na us se mirā dil kamāl kartā hai
Ghazal
 zara si baat ho kya kya sawal karta hai
yā to insān ke har zaḳhm ko bhar de maulā
yā to duniyā se masīhā.ī ko vāpas le le
Ghazal
 mere zaKHmon meri ruswai ko wapas le le
hai muntazir-e-hashr bahut der se duniyā
ghuñghrū tire pairoñ ke sadā kyuuñ nahīñ dete
Ghazal
 ab jam nigahon ke nasha kyun nahin dete
tirī nigāh sahārā na de to baat hai aur
ki girte girte bhī duniyā sambhal to saktī hai
Sher
 teri nigah sahaara na de to baat hai aur
sab se pyārī hai jaan duniyā meñ
jaan se baḌh ke jān-e-jāñ tū hai
Sher
 sab se pyari hai jaan duniya mein
ham ne duniyā kā bahut saath diyā hai ab tak
kaash ik baar kabhī saath ham apnā dete
Ghazal
 usko tum mere talluq ka hawala dete
dil-shikasta kī tasallī ko hai duniyā lekin
kaash vo bhī to kabhī aa ke sahārā dete
Ghazal
 usko tum mere talluq ka hawala dete
Top Urdushayar.com