Tags-Duniya

mire ḳhayāl kī duniyā meñ is jahāñ se duur
ye baiThe baiThe huā gum ki phir patā na lagā

is liye maiñ ne ḳhatā kī thī ki duniyā dekhūñ
varna vo mujh ko zamīñ par nahīñ aane detā

kahā us ne bil-āḳhir muskurā kar
tirī duniyā nirālī hai dinoñ ba.ad

duniyā se jab milne jaao
pahle ḳhud se baat karo

duniyā merī zindagī ke din kam kartī jaatī hai kyuuñ
ḳhuun pasīna ek kiyā hai ye merī mazdūrī hai

ik ḳhvāb kā ḳhayāl hai duniyā kaheñ jise
hai is meñ ik tilism tamannā kaheñ jise

kisī tarah bhī kisī se na dil lagānā thā
ḳhayāl-e-yār meñ duniyā ko bhuul jaanā thā

bujhegā soz-e-dil ai girya pal meñ aab to de
digar hai aag meñ duniyā yuuñ hī azaab to de

zar ke mīzān meñ har shaḳhs ko kyā tolte ho
har bashar to sag-e-duniyā nahīñ hone vaalā

rashk-e-duniyā hai kisī ne kyuuñ barā.e chand roz
zindagī apne ta.iiñ afsos yā mī.ād daad

āḳhirī vaqt talak saath andheroñ ne diyā
raas aate nahīñ duniyā ke ujāle mujh ko

mushkil hī se kar letī hai duniyā use qubūl
aisī haqīqat jis meñ fasāna kam kam hotā hai

ek hammām meñ tabdīl huī hai duniyā
sab hī nañge haiñ kise dekh ke sharmā.ūñ maiñ

ḳhāna-e-dil meñ nahīñ ek kiran kā bhī guzar
saarī duniyā hai agar matla-e-anvār to ho

jis se jab tak mile dil hī se mile dil jo badlā to fasāna badlā
rasm-e-duniyā ko nibhāne ke liye ham se rishtoñ kī tijārat na huī

dayār-e-fikr-o-hunar ko nikhārne vaalā
kahāñ gayā mirī duniyā sañvārne vaalā

usī kī hai duniyā usī kā zamāna
jo sab kuchh haTā kar kabhī kuchh na paa.e

aql-e-kul ban kar to duniyā kī haqīqat dekh lī
dil ye kahtā hai ki ab dīvāngī ban jā.iye

terī merī dāstāñ itnī zarūrī to nahīñ
duniyā ko kahne kī ḳhātir bas fasānā chāhiye

aur do chaar masā.ib kī kasar baaqī hai
ye uThā lā.ūñ to maiñ duniyā ke safar par jā.ūñ