Tags-Duniya

ye vahm fahm-e-haqīqat nahīñ haqīqat hai
ki bas haqīqat-e-duniyā hai giryā-e-shādī

aao sab ke liye duniyā dekheñ
aao is koh ko tasḳhīr kareñ

bair duniyā se qabīle se laḌā.ī lete
ek sach ke liye kis kis se burā.ī lete

kyuuñ ye mahsūs mujhe hotā hai lamha lamha
merī duniyā tirī chāhat ke sivā kuchh bhī nahīñ

merā dil ġham-gīñ hai to kyā
ġham-gīñ ye duniyā hai saarī

tū gar merī bhī ho jaa.e
duniyā ke ġham yūñhī raheñge

mere qatl kā jashn manāyā duniyā ne
phir duniyā ne dekhā zinda maiñ hī thā

maiñ hī nahīñ to kaun se log aur kaise log
kaun sī duniyā sāhab-e-duniyā maiñ hī thā

duniyā tū ne ḳhālī haath mujhe jaanā
zālim terā sab sarmāya maiñ hī thā

aap bulā.eñ ham na aa.eñ aisī koī baat nahīñ
duniyā vāloñ se Dar jaa.eñ aisī koī baat nahīñ

tere sivā haiñ is duniyā meñ apne bhī ġham-ḳhvār bahut
sab ko dil kā raaz sunā.eñ aisī koī baat nahīñ

ġham ke maare is duniyā meñ 'ārif' ab tak zinda haiñ
ġham se tumhāre ham ghabrā.eñ aisī koī baat nahīñ

duniyā hai sambhal ke dil lagānā
yaañ log ajab ajab mileñge

ye raaz samajh meñ kab aatā āñkhoñ kī namī se samjhā huuñ
is gard-o-ġhubār kī duniyā meñ har chiiz se sachchā paanī hai

butoñ se agar hotī ḳhālī ye duniyā
ḳhudā kī bhī koī haqīqat na hotī

vahshī duniyā hai tirā pyaar nahīñ samjhegī
apne jazbāt dikhāne kī zarūrat kyā hai

ye bhī qudrat kā karishma hai ki duniyā meñ koī
aaj tak ye na samajh paayā ki qudrat kyā hai

tū ne duniyā kī havas dil meñ basā rakkhī hai
tere īmān se baḌh kar tirī daulat kyā hai

ik tirī zaat se qaa.em hai vajūd insāñ kā
varna insān kī duniyā meñ haqīqat kyā hai

muskurā.e to saath thī duniyā
ashk tanhā bahā ke dekh liyā