Tags-Duniya

bas yahī naḳhl-e-havas hai jo rahegā sarsabz
tirā iqbāl sivā taaza nihāl-e-duniyā

maiñ bhī hairān mirā dil bhī pashīmān sā hai
jism ke haath huā jab se visāl-e-duniyā

har amr meñ duniyā ke maujūd jidhar dekho
aadam ko kiyā hairāñ shaitān kī lap-jhap ne

usī dam ho ga.ī hairān duniyā
khule jab raaz us kī Diary se

bas yahī soch ke taskīn sī ho jaatī hai
aur kuchh log bhī duniyā se ḳhafā baiThe haiñ

afsānoñ kī duniyā meñ sab jhuuT nahīñ hotā
dil aur bhī uljhegā paḌhiye na kitāboñ ko

jis ke dil meñ rahtī hai sirf aap kī sūrat
us ko rāh-e-duniyā kī āfateñ nahīñ miltīñ

ham ko mil ga.ī hotī apne ishq kī manzil
gar hameñ ye duniyā kī tohmateñ nahīñ miltīñ

apnī dhun ke 'rāhī' ko raah kyā batāte ho
ham se terī duniyā kī ādateñ nahīñ miltīñ

niyyat-e-zuleḳhā kī khoj meñ rahe duniyā
apnī be-gunāhī ko dil gavāh kaafī hai

chaar din kī hastī meñ hañs ke jī liye 'amabar'
be-nashāt duniyā se ye nibāh kaafī hai

jīvan jīvan ham ne jag meñ khel yahī hote dekhā
dhīre dhīre jiitī duniyā dhīre dhīre haare log

aise izmehlāl par duniyā kī barnā.ī nisār
aisī bīmārī par ejāz-e-masīhā.ī nisār

har ik jagah tū hī jalva-gar hai vo but-kada ho yā tūr-e-sīnā
nigāh-e-duniyā hai kor bātin tirī tajallī kidhar nahīñ hai

yahīñ pe jiinā yahīñ pe marnā yahīñ hai duniyā yahīñ hai uqbā
'fanā' dar-e-yār ke alāva kahīñ hamārā guzar nahīñ hai

numūd o buud ko aaqil habāb samjhe haiñ
vo jāgte haiñ jo duniyā ko ḳhvāb samjhe haiñ

kabhī shaqī mutamatta na hoñge duniyā se
jise ye aab use ham sarāb samjhe haiñ

muzīl-e-aql hai duniyā kī daulat ai mun.im
usī ke nashshe ko suufī sharāb samjhe haiñ

harārateñ haiñ ma.āl-e-halāvat-e-duniyā
vo zahr hai jise ham shahd-e-nāb samjhe haiñ

buuñd kī bhī to ek duniyā hai
buuñd ke bin nadī nadī kyoñ hai