Tags-Duniya

jo ahl-e-duniyā ke the muḳhālif hue vo duniyā ke aur na diiñ ke
samajhiye ab ḳhātma hai diiñ kā jo fikr-e-duniyā na kījiyegā

sabhī to diin va duniyā kā kaam karte haiñ
mujhe na diin na duniyā ke intizām se kaam

ik ik qadam fareb-e-tamannā se bach ke chal
duniyā kī aarzū hai to duniyā se bach ke chal

lamhe udaas udaas fazā.eñ ghuTī ghuTī
duniyā agar yahī hai to duniyā se bach ke chal

apne adab pe naaz hai tujh ko agar 'shakīl'
maġhrib-zadā adiib kī duniyā se bach ke chal

hasrateñ thiiñ raqs meñ sāz-e-tarab thī āh-e-dil
aish duniyā-bhar kā mere ek ġham-ḳhāne meñ thā

maiñ mohabbat meñ luTā baiThā huuñ dil kī duniyā
kaam ye aisā bhī kab hai ki pazīrā.ī ho

kal tak kitne hañgāme the ab kitnī ḳhāmoshī hai
pahle duniyā thī ghar meñ ab duniyā se rū-poshī hai

yuuñ to duniyā ne bhī rakkhā hai nishāne par hameñ
vahshat-e-dil se bhī kuchh āb-o-havā paate haiñ ham

de sake tujh ko kabhī terī vafāoñ kā javāb
us havāle se kabhī ruḳh jānib-e-duniyā na kar

ham haiñ faqīr daulat-e-duniyā se kaam kyā
behtar hai jām-e-jam se piyāla sifāl kā

saarī duniyā hameñ pahchāntī hai
koī ham sā bhī na tanhā hogā

dard-e-duniyā kī taḌap dil meñ mire rahne de
tū to āñkhoñ meñ bhī rah saktī hai terā kyā hai

maiñ bhī sach kahtā huuñ is jurm meñ duniyā vaalo
mere hāthoñ meñ bhī ik zahr kā piyāla de do

duniyā se 'zauq' rishta-e-ulfat ko toḌ de
jis sar kā hai ye baal usī sar meñ joḌ de

vo jis par mehrbāñ hote haiñ duniyā us kī hotī hai
nazar un kī palaTte hī palaTtā hai zamāna bhī

ab rahe yā na rahe koī malāl-e-duniyā
khīñchtī hai mirā dil chashm-e-ġhazāl-e-duniyā

lo utartī hai badan se mire ḳhākī poshāk
lo huā jaatā huuñ maiñ sarf-e-kamāl-e-duniyā

miT rahe haiñ mire andar ke sabhī naqsh-o-nigār
ban rahe haiñ mire bāhar ḳhad-o-ḳhāl-e-duniyā

tere chehre kā fusūñ bhī nazar aa.e to kahīñ
koī ā.īnā dikhātā hai jamāl-e-duniyā