Tags-Duniya

in mah-vashoñ ko parde se bāhar nikāl ke
duniyā miTā.ī jaatī hai husn-o-jamāl kī

pī ke sochā ki ḳharīdeñge ġham-e-duniyā bhī
tai hue daam to dirham bhī nahīñ saath apne

duniyā ko diin diin ko duniyā kareñge ham
tere baneñge ham tujhe apnā kareñge ham

duniyā meñ har ik shai hai faqat terī kamī hai
naqshe tirī yādoñ ke ubhar jaate haiñ akasr

phir kho na jaa.eñ ham kahīñ duniyā kī bhiiḌ meñ
miltī hai paas aane kī mohlat kabhī kabhī

halākat-ḳhez ījādoñ pe duniyā faḳhr kartī hai
kahāñ haiñ irtiqā-e-nau-e-insāñ dekhne vaale

ḳhabar to thī mire dair-āshnā ko duniyā se
ki 'hādis'-e-ġham-e-aġhmāz-e-baḳht uThne lagā

barguzīda haiñ havāoñ ke asar se ham bhī
dekhte haiñ tujhe duniyā kī nazar se ham bhī

jab yahāñ rahne ke sab asbāb yakjā kar liye
tab khulā mujh par ki maiñ duniyā kā bāshinda na thā

duniyā meñ ham jo apnī haqīqat ko pā ga.e
to zindagī ke raaz samajh meñ sab aa ga.e

terā har ik ḳhayāl bhī ik ḳhushnumā gumān
duniyā hī kyā ḳhud apnī haqīqat bhī hai fareb

badaltī jā rahī hai dil kī duniyā
na.e dastūr hote jā rahe haiñ

har naqsh hai ā.īna-e-nairañg-e-tamāshā
duniyā hai ki hāsil mirī hairāñ-nazarī kā

lutf-e-nazzāra hai ai dost isī ke dam se
ye na ho paas to phir raunaq-e-duniyā kyā hai

terī āñkheñ bhī kahāñ mujh ko dikhā.ī detīñ
merī ainak ke sivā duniyā meñ rakkhā kyā hai

duniyā ghūme kyā kyā dekhā
koī na ham ne tum sā dekhā

in āñkhoñ ke andar 'jāzib'
duniyā ghar kā naqsha dekhā

jo kahte haiñ kahte raheñ ahl-e-duniyā
magar ham to 'nāqid' sadā sach kaheñge

vo aur haiñ jo karte haiñ sitam ḳhud shaad haiñ duniyā mahv-e-alam
ham zaḳhm pe rakhte haiñ marham ham zaḳhm lagānā kyā jāneñ

ab zamīn-o-āsmāñ ke sab kināroñ se alag
gaḌ.h rahā huuñ apnī duniyā in sitāroñ se alag