Tags-Dushman

jo mire dushman ko samjhā kar ga.ī kam-zarf hai
ya.anī kis kis baat se taklīf hotī hai mujhe

mehrbāñ ho jaa.e ik aalam hamāre haal par
aap jaisā dushman-e-dil mehrbāñ koī na ho

dostī kī tum ne dushman se ajab tum dost ho
maiñ tumhārī dostī meñ mehrbāñ maarā gayā

dushman ko lutf-e-vasl 'hasan' ko ġham-e-firāq
har shaḳhs kā judā hai muqaddar judā nasīb

dushman ko marte dekh ke logoñ ke sāmne
dil hañs rahā thā aañkh se ronā paḌā mujhe

dushman jitne aa.e un ke ḳhatā hue sab tiir
lekin apnoñ kā har tiir nishāne baiThā thā

dushman kā sog saaf hai chehre se āshkār
ā.īna dekh zulf-e-pareshāñ ko kyā huā

dushman ko bhī de ḳhudā na aulād kā daaġh
jaatā nahīñ hargiz dil-e-nāshād kā daaġh

jo haqīqat meñ mirā dushman-e-jāñ hai 'ishrat'
hijr us kā bhī gavāra nahīñ hogā mujh se

subuk ho jā.eñge gar jā.eñge vo bazm-e-dushman meñ
ki jab tak ghar meñ baiThe haiñ vo lākhoñ man ke baiThe haiñ

ilāhī kyuuñ nahīñ uThtī qayāmat mājrā kyā hai
hamāre sāmne pahlū meñ vo dushman ke baiThe haiñ

qasam de kar unheñ ye pūchh lo tum rañg-Dhañg us ke
tumhārī bazm meñ kuchh dost bhī dushman ke baiThe haiñ

bahut royā huuñ maiñ jab se ye maiñ ne ḳhvāb dekhā hai
ki aap aañsū bahāte sāmne dushman ke baiThe haiñ

na ho rashk to kījiye vahāñ mad.h-e-dushman
ki hai yaar kī rāz-dānī kī sūrat

ek ik sher se Tapke haiñ lahū ke qatre
merī dushman ye tabī.at kabhī aisī to na thī

haa.e dushman dekheñ un ke uThte jauban kī bahār
haa.e maiñ koī na huuñ merī nazar koī na ho

'arsh' kis dost ko apnā samjhūñ
sab ke sab dost haiñ dushman kī taraf

'būm' honā chāhiye bazm-e-suḳhan meñ vo kalām
dost kyā dushman sadā-e-marhabā dene lage

aaj tak shaiḳh ke ikrām meñ jo shai thī harām
ab vahī dushman-e-dīñ rāhat-e-jāñ Thahrī hai

maslahat is meñ ho na koī kaash
dushman-e-jān ho gayā hai dil