Tags-Dushman

tis pe dushman hamāre jī kī huī
kajī-e-pel-e-āsmāñ kī chaal

kyā zarūrī hai ki dushman hī ke sar jaa.e azaab
kar deñ ahbāb hī qātil ke havāle mujh ko

dost nādāñ ho to dushman se burā hotā hai
mujh ko apne dil-e-nādāñ pe bharosā thā kabhī

zaḳhm qaa.el hoñ bhalā chāragarī ke kaise
saf-e-dushman hai saf-e-chāra-garāñ se aage

umr bhar kaun nibhātā hai ta.alluq itnā
ai mirī jaan ke dushman tujhe allāh rakkhe

tumhārī be-adā.ī ke maze aane lage mujh ko
jo mere dushman-e-jāñ the vo samjhāne lage mujh ko

jo log dushman-e-jāñ the vahī sahāre the
munāfe the mohabbat meñ ne ḳhasāre the

yār-e-jānī to zamāne meñ nipaT kam-yāb haiñ
kījiye dushman agar apnā to jaanī kījiye

kabhī kah duuñ to zamāna merā dushman ho jaa.e
dil ko vo baat bhī chup rah ke batā dī tū ne

bāñdho ab chāragaro chille ki vo bhī shāyad
vasl-e-dushman ke liye sū-e-mazār aa jaa.e

mahv-e-dildār huuñ kis tarah na huuñ dushman-e-jāñ
mujh pe jab nāseh-e-bedard ko pyaar aa jaa.e

kisī kā maqrūz maiñ nahīñ par mire garebāñ pe haath sab ke
koī mirī chāhatoñ kā dushman kisī ko darkār chāhateñ haiñ

chehra hasīñ vo dushman-e-īmān bhī to hai
lekin nashāt-e-rūh kā sāmān bhī to hai

dushman-e-jāñ haiñ sabhī saare ke saare qātil
tū bhī is bhiiḌ meñ kuchh der Thahar jā ai dil

lagā jo piiTh meñ neza to samjhe dushman hai
magar palaT ke jo dekhā to āshnā niklā

dushman haiñ diin o dil ke butāñ dekh be-ḳhabar
is tarah kiijo rabt ki jis meñ nibāh ho

ḳhatar hai rishta-e-ulfat rag-e-gardan na ho jaave
ġhurūr-e-dostī aafat hai tū dushman na ho jaave

dushman se sarhadoñ ko bachānā thā jis kā kaam
apnoñ ko qatl karne pe māmūr ho gayā

ehsās-e-jurm jaan kā dushman hai 'ja.afarī'
hai jism taar taar sazā ke baġhair bhī

yaad jin kī hameñ jiine bhī na degī 'rāhī'
dushman-e-jāñ vo masīhā-nafasāñ kaise haiñ