Collections

Lab Shayari

Motivational Ghazals

Best Khamoshi Shayari

More Collections

Tags-Dushmani

dushmanī kā safar ik qadam do qadam
tum bhī thak jāoge ham bhī thak jā.eñge

dushmani ka safar ek qadam do qadam

ik ḳhauf-e-dushmanī jo ta.āqub meñ sab ke hai
ik harf-e-lutf jo kahīñ ġhā.eb hai shahr meñ

har samt shor-e-banda o sahib hai shahr mein

vo tark-e-pās-e-vafā hī thā dushmanī nahīñ thī
huzūr pās-e-ta.alluq to aaj bhī karūñgī

isi bana pe agar ki to dosti karungi

ham ko bhī dushmanī se tire kaam kuchh nahīñ
tujh ko agar hamāre nahīñ pyaar se ġharaz

hum ko bhi dushmani se tere kaam kuchh nahin

hamāre jugnuoñ se dushmanī thī
zarā pahle sahar kar dī ga.ī hai

udhar ki shai idhar kar di gai hai

kare dushmanī koī tum se agar
jahāñ tak bane tum karo darguzar

nasihat

kabhū dostī hai kabhū dushmanī
tirī kaun sī baat par jā.iye

asar kijiye kya kidhar jaiye

mujassamoñ kī tarah the donoñ
na dostī thī na dushmanī thī

agar ye sab kuchh nahin

bahut achchhā huā dushman ne mujh se dushmanī kar lī
sivā mere na jaane aur kis kis ko ye le martā

chhuTi ummid to main haal-e-dil kahne se kyun Darta

ashk qaabū meñ nahīñ raaz chhupā.ūñ kyūñkar
dushmanī mujh se mire dīda-e-tar rakhte haiñ

ashk qabu mein nahin raaz chhupaun kyunkar

burā hai dushmanī se āshnā honā bhī 'ālam'
kisī se ab hamārī dostī hotī nahīñ hai

hirasan hun siyahi mein kami hoti nahin hai

muḳhālifoñ kī bhī jo dushmanī se ho na sakā
vo kaam ik mire dam-sāz-o-āshnā se huā

buton se kuchh na hua jo hua KHuda se hua

tum jo dil-ḳhvāh ḳhalq ho ham ko
dushmanī hai tamām aalam se

hanste ho rote dekh kar gham se

samt duniyā ke ham ga.e hī nahīñ
us ilāqe se dushmanī sī rahī

samt duniya ke hum gae hi nahin

dushmanoñ kī dushmanī bhī us ke aage kuchh nahīñ
sāzisheñ jo har qadam par ham-qadam kartā rahā

dushmani mein hi sahi wo ye karam karta raha

dushmanī meñ hī sahī vo ye karam kartā rahā
aa.ina mujh ko dikhā kar aib kam kartā rahā

dushmani mein hi sahi wo ye karam karta raha

kuchh is liye bhī akelā sā ho gayā huuñ 'nadīm'
sabhī ko dost banāyā hai dushmanī nahīñ kī

kuchh is liye bhi akela sa ho gaya hun nadim

hai un se be-ta.alluqī na dostī na dushmanī
batāo 'hosh' kyā kareñ kahīñ ke ab rahe na ham

kaho maal-e-arzu ho kya agar ghuTe na dam

khul kar zabāñ se karte haiñ iz.hār-e-dushmanī
behtar haiñ aaj tum se ye aġhyār dosto

jins-e-giran ka main hun KHaridar dosto

koī kashmakash nahīñ thī ġham-e-dushmanī se pahle
mujhe ḳhauf hī kahāñ thā tirī dostī se pahle

meri har KHushi KHushi thi teri har KHushi se pahle