Tags-Dushmani

'safīr' is zindagī meñ vaqt bhī tevar badaltā
na ghabrāo kisī kī dushmanī se kuchh nahīñ hotā

kī dostī bhī to dushmanī se
jaanā na unheñ magar hamīñ ne

rāz-e-ulfat kahāñ chhupā.eñ ham
dil se bhī dushmanī nahīñ hotī

ye bhī kyā kam hai basīrat kī nazar hāsil huī
dostoñ ne kī jo tujh se dushmanī mātam na kar

mire ḳhulūs meñ shāyad kamī hai kuchh varna
mujhī se karte haiñ kyuuñ log dushmanī tanhā

jāntā huuñ kudūrat burī chiiz hai aap se dushmanī kī tavaqqo na thī
duur honā bahut is kā dushvār hai dil ke ā.īne meñ jab ġhubār aa gayā

nagar meñ us kī bahut dushmanī ke charche haiñ
magar vo pyaar bhī dīvāna-vār kartā hai

muqābla ho to siine pe vaar kartā hai
vo dushmanī bhī baḌī pur-vaqār kartā hai

guftugū un kī dostī meñ hai
shak hameñ un kī dushmanī meñ nahīñ

detī hai tarġhīb naale kī ki har āzurda-dost
dushmanī kartī hai ab merī mohabbat mere saath

kyā ruup dostī kā kyā rañg dushmanī kā
koī nahīñ jahāñ meñ koī nahīñ kisī kā

daam tak le ga.ī mujhe parvāz
dushmanī mere bāl-o-par ne kī

kuchh is liye bhī akelā sā ho gayā huuñ 'nadīm'
sabhī ko dost banāyā hai dushmanī nahīñ kī

dostī us kī dushmanī hī sahī
dost to ho vo mudda.ī hī sahī

maiñ to patthar nahīñ aadmī huuñ miyāñ
kyoñ mire naam kī dushmanī chhoḌ dī

kisī tarah bhī zamāne ko bas meñ kar na sake
na dostī na hameñ raas dushmanī aa.ī

itnī chāhat se na dekhā kījiye mahfil meñ aap
shahr vāloñ se hamārī dushmanī baḌh jā.egī

dushmanī to chāhne kī intihā kā naam hai
ye kahānī bhī adhūrī hai mohabbat ke baġhair

gar dushmanī pe dost ne bāñdhī mire kamar
dushman hai ab jo koī mirā dost-dār hai

hazār haif vahī dushmanī pe haiñ maa.il
vo log jin pe hameñ haqq-e-dostī bhī hai