Tags-Aankh

rahne de jām-e-jam mujhe anjām-e-jam sunā
khul jaa.e jis se aañkh vo afsāna chāhiye

aañkh hañsī
phir kaalī kaloTī raat hañsī

ġhazab kī aañkh adākār thī magar haa.e
tumhārī baat hañsī meñ uḌāne vaale kā dukh

faqīh-e-shahr zindagī kī aañkh kā jo nuur thā
vo maiñ ne tere āstāñ pe ḳhvāb lā ke vaarā hai

aañkh kī us badan par lakīreñ khiñchīñ
har ġhazal se na.e isti.āre uThā

nashsha āñkhoñ meñ le kar so raho ai jāgne vaalo
agar ye aañkh khul jaa.e to ḳhvāboñ kā guzar kyuuñ ho

aañkh tishna bhī nahīñ hoñT savālī bhī nahīñ
ye surāhī ki bharī bhī nahīñ ḳhālī bhī nahīñ

maiñ niiñd ke aivān meñ hairān thā kal shab
ik ḳhvāb mirī aañkh kā mehmān thā kal shab

aañkh ke uThte hī uThte kuchh na thā
ham chale armān hī armān meñ

aa.ine kī aañkh hī kuchh kam na thī mere liye
jaane ab kyā kyā dikhā.egā tumhārā dekhnā

āsmāñ kā sard sannāTā pighaltā jā.egā
aañkh khultī jā.egī manzar badaltā jā.egā

jhuk gayā qadmoñ pe tere phir bhī sar ūñchā rahā
aañkh patthar ho ga.ī jalvoñ kī farmā.ish na kī

na aañkh roī na dil pasījā
tumhārā jaanā kamāl Thahrā

agar vo ḳhvāb hai jo aañkh meñ salāmat hai
to phir ye kyā hai jise dekhtā huuñ marte hue

jhukī hai aañkh ka.ī rat-jage sameTe hue
chhupā hai lams meñ kaisā ḳhumār kā mausam

aañkh ke bādal se kahtā hai ki duniyā par baras
dil lab o ruḳhsār kī sho.ala-fishānī dekh kar

ġhair ko tum na aañkh bhar dekho
kyā ġhazab karte ho idhar dekho

kuchh ḳhud meñ kashish paidā kar lo ki mahfil tum se aañkh bhare
ye chaal baḌe ayyār kī hai ye chaal na ḳhālī jā.egī

kahāñ jur.at in ashkoñ kī ki dehrī aañkh kī lāñgheñ
hai pahrā zabt kā aisā ki sahme sahme rahte haiñ

na to gundh huuñ kisī phuul kī na hī phuul huuñ kisī baaġh kā
kisī aañkh ko jo na bhā sakā vo ujaaḌ huuñ kisī raaġh kā