Tags-Aankh

vo pal to mirī aañkh se jaatā hī nahīñ hai
ik roz darīche se maiñ jhāñkā use dekhā

kal jo merā ḳhush-nigah guzrā chaman se ai 'hasan'
muuñd lī bādām ne aañkh aur nargis kaT ga.ī

jo niklī baize se bulbul to huī asīr-e-qafas
na dekhī khol ke aañkh āshiyān kī sūrat

gir paḌe aañkh se us kī bhī yakāyak aañsū
zikr mahfil meñ jo kuchh merā huā mere ba.ad

jis meñ har chehre ke TukḌe ho jaa.eñ
aañkh vo shīsh-mahal chāhtī hai

aañkh se pahle bhī to manzar the
zā.iqe the zabāñ se pahle bhī

tujh ko tirī hī aañkh se dekh rahī hai kā.enāt
baat ye raaz kī nahīñ apnā ḳhud ehtirām kar

har ik jabīñ pe hai ik mauj-e-nūr-e-āzādī
har ik aañkh meñ kaif-o-surūr-e-āzādī

abhī tak aañkh ke har zāviye meñ hijr ke ġham haiñ
tumhāre ḳhvāb aate haiñ magar meñ so nahīñ saktī

kuchh na go aañkh meñ be-dard nigāhoñ ke sivā
guftugū sāqī-e-daurāñ se harīfāna chale

diyā hai dard to rañg-e-qubūl de aisā
jo ashk aañkh se Tapke vo dāstāñ ho jaa.e

ye manzar bārhā dekhā ki har ik vaqt kā jābir
lahū kī raushnī meñ aa ke apnī aañkh maltā hai

umr-bhar karvaTeñ letā hai vo paikān-e-nazar
aañkh kī raah se jo dil meñ utar jaatā hai

qissa-e-ranj-o-hasrat nahīñ muḳhtasar tujh ko kyā kyā batā.egī ye chashm-e-tar
ātish-e-ġham meñ jalte haiñ qalb-o-jigar aañkh tak aa rahā hai dhuāñ yā aḳhī

ab to muñh de mujhe ai nūr-e-nazar ā.īna-vār
gar ga.iiñ palkeñ sarishk aañkh se jhaḌte jhaḌte

us ne bhī to dekhī haiñ ye āñkheñ
aañkh ārasī par samajh ke Daalo

dasht meñ vādi-e-shādāb ko chhū kar aayā
maiñ khulī-āñkh hasīñ ḳhvāb ko chhū kar aayā

sau rāteñ ek hijr kī shab meñ tamām kiiñ
jab aañkh band kī nazar aa.ī sahar mujhe

niiñd aa jaa.e to kyā mahfileñ barpā dekhūñ
aañkh khul jaa.e to tanhā.ī kā sahrā dekhūñ

itnī aañkh to mujh meñ bhī thī
duniyā ko duniyā samjhā thā