Tags-Aankh

aañkh nā-dīda manāzir ke tajassus kā hai naam
motiyāñ aañkh meñ rolūñ to siyah raat kaTe

hai ye ummīd mire ḳhvāb meñ aap ā.eñge
ek dar aañkh kā rakhtā huuñ khulā raat ke vaqt

ḳhuub is dil pe tirī aañkh ne Dore Daale
ḳhuub kājal ne tirī aañkh meñ Dorā khīñchā

yahī dekhā ki uThvā.e ga.e bas
jo dekhā Tuk udhar ko aañkh uThā kar

aañkh meñ ashk nahīñ haiñ to yahī lagtā hai
ik sitārā bhī numūdār nahīñ hai koī

aañkh kī dahlīz se utrā to sahrā ho gayā
qatra-e-ḳhūñ pāniyoñ ke saath rusvā ho gayā

Thahre jo kahīñ aañkh tamāshā nazar aa.e
sūraj meñ dhuāñ chāñd meñ sahrā nazar aa.e

qahqaha aañkh kā bartāo badal detā hai
hañsne vaale tujhe aañsū nazar aa.eñ kaise

vo le gayā hai mirī aañkh apnī bastī meñ
ki mere saath rahe rābta bahāl us kā

hai tū hī aañkh mirī ai jamāl-e-pesh-e-nazar
so ye tamāsha mirā ik tirī razā tak hai

ḳhvāb aur ḳhvāb kā fusūñ nahīñ kuchh
aañkh khul jaa.e to junūñ nahīñ kuchh

kuchh mirā dil bhī hai junūñ-āsār
kuchh tirī aañkh kā kamāl bhī hai

sonā thā jitnā ahd-e-javānī meñ so liye
ab dhuup sar pe aa ga.ī hai aañkh kholiye

sañg uThānā to baḌī baat hai ab shahr ke log
aañkh uThā kar bhī nahīñ dekhte dīvāne ko

qarya-e-jāñ bhī hai aur dāvat-e-dīdār bhī hai
aañkh baaqī nahīñ lekin hai nazāra baaqī

nikal chalūñ kahīñ husn-o-junūñ ke jañgal meñ
hiran kī aañkh meñ kājal kī Doriyāñ likh duuñ

jo churā.ī hai shab-e-tār se ka.ī ratjagoñ ko guzār ke
vahī kājaloñ kī lakīr hai apnī aañkh meñ Daal Daal rakh

kuchh tire nāz-o-sitam aur uThānā chāhe
dil mirā aql se phir aañkh churānā chāhe

kaun sā jurm hai kyā sitam ho gayā
aañkh agar uTh ga.ī aap hī kī taraf

dil kī raġhbat hai jab aap hī kī taraf
kis liye aañkh uThtī kisī kī taraf