Collections

Lab Shayari

Motivational Ghazals

Best Khamoshi Shayari

More Collections

Tags-Aankh

dil unheñ tarastā hai jab vo duur hote haiñ
jab qarīb aate haiñ aañkh unheñ tarastī hai

ahl-e-ishq ki hasti kya ajib hasti hai

jalva-hā-e-rañg-o-bū dil meñ kyā jagah paa.eñ
aañkh meñ jo bastā hai dil to us kī bastī hai

ahl-e-ishq ki hasti kya ajib hasti hai

shab-e-bahār meñ tāroñ se khelne vaale
kisī kī aañkh bhī shab bhar sitāra-bār rahī

na wo KHizan rahi baqi na wo bahaar rahi

maiñ ek baar aañkh churā kar jo pī gayā
laayā na zaḳhm dhone ko phir chāragar sharāb

waiz milegi KHuld mein kab is qadar sharab

shaam ko sub.h se ta.abīr karo tum lekin
aañkh vaale to sahar hī ko sahar jānte haiñ

sham ko subh se tabir karo tum lekin

hazāroñ phurtiyāñ maiñ ne to kiiñ par us ne 'nazīr'
na dekhne dī mujhe apnī āñkh-bhar sūrat

kisi ne raat kaha uski dekh kar surat

guftugū ke haiñ kuchh ādāb ġhazal vāloñ meñ
zulf ko kaalī ghaTā aañkh ko sāġhar kahnā

bund ko bund samundar ko samundar kahna

suuje haiñ paañv aañkh se hī taal dījiye
uljhā huā hai tār-e-nazar raqs kījiye

qatre mein bhi chhupe hain bhanwar raqs kijiye

aa.ī hai aise ġham meñ ravānī parat parat
bahne lagā hai aañkh se paanī parat parat

aai hai aise gham mein rawani parat parat

aañkh uThāte hī mire haath siiñ mujh kuuñ le ga.e
ḳhuub ustād ho tum jaan ke le jaane meñ

aankh uThate hi mere hath sin mujh kun le gae

sunā ke sab ko akelā hī ro rahā thā maiñ
kisī kī aañkh na tar merī dāstāñ se huī

kabhi yaqin se hui aur kabhi guman se hui

falak na māh-e-munavvar na kahkashāñ se huī
khulī jab aañkh mulāqāt ḳhāk-dāñ se huī

kabhi yaqin se hui aur kabhi guman se hui

kaam karnā ho jo kar lo aaj kī tārīḳh meñ
aañkh nam ho jā.egī phir siskiyāñ rah jā.eñgī

hum kahin bhi hon magar ye chhuTTiyan rah jaengi

tujh ko dekhā to mirī aañkh ne dekhā mujh meñ
jhilmilātā hai koī pahle hī tujh sā mujh meñ

tujhko dekha to meri aankh ne dekha mujh mein

ik zohara-vash hai aañkh ke pardoñ meñ jalvagar
nazroñ meñ āsmāñ na samā.eñ to kyā kareñ

un ko bulaen aur wo na aaen to kya karen

dil nahīñ hai vo nahīñ hai ishq kā jis meñ guzar
vo bhī koī aañkh hai jis aañkh meñ hasrat nahīñ

ruh ke jaane ki qalib se koi muddat nahin

qafas meñ jab zarā jhapkī mirī aañkh
yahī dekhā nasheman jal rahā hai

qafas mein jab zara jhapki meri aankh

tañg lagtī hai ab vo aañkh mujhe
dafn jaise kisī mazār meñ huuñ

kya kahun kaise iztirar mein hun

koī to chāhiye hadd-e-ḳhsuh-famī-e-fareb
duniyā tū merī aañkh meñ jhoñkegī kitnī ḳhaak

ai mauja-e-sarab tu phankegi kitni KHak

aah vo aañkh jo har samt rahī sā.iqa-pāsh
vo jo mujh se kisī unvān milā.ī na ga.ī

dil mein kya kya hawas-e-did baDhai na gai