Tags-Aankh

ḳhvāb kā āḳhirī ḳhumār aañkh meñ hai kuchh intizār
niiñd zarā sā kaam hai kaam ke ba.ad kuchh nahīñ

kisī aur shab maiñ sunā.ūñgā ye ġhazal tumheñ
abhī aañkh nam abhī dil duā nahīñ ho sakā

aaj kī raat ba-har-hāl na sonā 'shāhid'
har ghaḌī aañkh meñ ik ḳhaar chubhoyā jaa.e

shab-e-hijr sahrā-e-zulmāt niklī
maiñ jab aañkh kholī bahut raat niklī

marg-e-amboh dekh aate haiñ
aañkh phir ashk-bār ho ki na ho

kyuuñ hasīnoñ kī aañkh se na laḌe
merī putlī kī mardumī hī to hai

aañkh ke andhoñ ko kyuuñ dikhlāte ho parvāz-e-harf
kāġhazoñ pe ab tamāshā-e-hunar karte ho kyuuñ

sūraj kī kiran
jab nīm-ḳhvābī kī tarah us aañkh uupar

dil se pūchho kyā huā thā aur kyuuñ ḳhāmosh thā
aañkh mahv-e-dīd thī itnā mujhe bas hosh thā

niiñd se aañkh khulī hai abhī dekhā kyā hai
dekh lenā abhī kuchh der meñ duniyā kyā hai

zabt lāzim hai jab hī tak ki na ho aañkh meñ ashk
ab to bhar aayā hai dil ashk ke bhar aane se

aañkh meñ us kī chamak thī par havasnākī bhī thī
rañg us ke ruḳh pe thā lekin rahīn-e-ġhāza thā

paḌ rahī hogī barf vaadī meñ
aañkh meñ jam gayā hai aadhā din

ġhamza nahīñ hotā ki ishārā nahīñ hotā
aañkh un se jo miltī hai to kyā kyā nahīñ hotā

kuchh to mil jaa.e kahīñ dīda-e-pur-nam ke sivā
aañkh se Tapke vahī girya-e-mātam ke sivā

kuchh ġhuncha-laboñ kī yaad aa.ī kuchh gul-badanoñ kī yaad aa.ī
jo aañkh jhapakte biit ga.iiñ un anjumanoñ kī yaad aa.ī

aañkh us kī phir ga.ī thī dil apnā bhī phir gayā
ye aur inqilāb huā inqilāb meñ

bebasī ban kar na Tapke aañkh se
dil meñ jo ik hasrat-e-fariyād hai

ban gayā dāman meñ vo aañsū guhar
jo na merī aañkh kā taarā huā