Tags-Aankh

paanī meñ bhī chāñd sitāre ug aate haiñ
aañkh se dil tak vo zarḳhezī ho jaatī hai

aañkh ke sandūqche meñ band hai ik sail-e-dard
Dar rahī huuñ qufl un palkoñ ke vā karte hue

saat āsmāñ kī sair hai pardoñ meñ aañkh ke
āñkheñ khulīñ to turfa tamāshā nazar paḌā

aañkh us se nahīñ uThne kī sāhab nazroñ kī
jis ḳhaak pe hogā asar us kī kaf-e-pā kā

aañkh us kī nahīñ ā.īne ke sāmne hotī
hairat-zada huuñ yaar kī maiñ sharm-o-hayā kā

vo kaun apnā 'shifā' yaad aa gayā tum ko
tumhārī aañkh huī jā rahī hai jal-thal kyuuñ

shabnam-āsār bhalā chain se baiThā kab huuñ
ḳhud ko phailātā rahā aañkh meñ sahrā kyā kyā

ab ban ke falak-zād dikhāte haiñ hameñ aañkh
zarre vahī kal jin ko uchhālā thā hamīñ ne

dil pareshāñ ho magar aañkh meñ hairānī na ho
ḳhvāb dekho ki haqīqat se pashīmānī na ho

aañkh tirī sahar ko phande meñ de hiran kuuñ
zulf tirī pech suuñ dil ko deve hai phañsā

kaT jaa.e vo zabāñ na ho jis se duā-e-ḳhair
phūTe vo aañkh jo ki na vaqt-e-sahar khule

mirī zindagī kisī moḌ par kabhī āñsuoñ se vafā na de
tirī aañkh kī ye ghaTā kahīñ yuuñ baras ke mujh ko rulā na de

ishq ko aañkh meñ jalte dekhā
phuul ko aag meñ khilte dekhā

zarā dhīmī ho to ḳhushbū bhī bhalī lagtī hai
aañkh ko rañg bhī saare nahīñ achchhe lagte

libās chhīn liyā hai barahnagī dī hai
magar mazāq to dekho ki aañkh bhī dī hai

jab maiñ dekhūñ huuñ aañkh bhar ke tumheñ
badal āñkheñ mujhe dhirāte ho

aañkh sū-e-haram-o-dair kabhī uTh jaatī
ishq kī raah meñ ye bhī to gavārā na huā

sunā hai log use aañkh bhar ke dekhte haiñ
so us ke shahr meñ kuchh din Thahar ke dekhte haiñ

baḌī mushkil se chhupāyā hai koī dekh na le
aañkh meñ ashk jo aayā hai koī dekh na le

dhuup ḳhushiyoñ kī hai be-shak har taraf phailī huī
aañkh āshiq kī hai phir bhī shabnamī haa.e re ishq