Tags-Aankh

sūraj pe tū ne aañkh tarerī thī yaad kar
bīnā.iyoñ pe phir jo asar raushnī kā thā

sar-poshī kā fan hāthoñ ko sikhlāo vagarna
be-āñkh ke be-kān ke be-nāk ke ho jaao

ḳhvāb ban ke maiñ guzartā huuñ ka.ī āñkhoñ se
phir jo bhātī hai usī aañkh meñ bas jaatā huuñ

uḌā ke hosh huā ho ga.ī tajallī-e-tūr
sabhoñ se aañkh churātā huā hijāb aayā

kar chuke ham ko be-gunāh shahīd
aap kī aañkh phir bhī tar na huī

vo kam-nigāh thā magar us se churā ke aañkh
maiñ ne bhī apne saath kuchh achchhā nahīñ kiyā

aañkh ke laḌte tirī āshob sā barpā huā
zulf ke dirham hue ik jam.a barham ho gayā

zinda the dushman to mujh ko bāzuoñ pe naaz thā
aañkh ko un ke guzar jaane pe tar maiñ ne kiyā

aap to hashr uThāne ke liye kahte the
aañkh tak uTh na sakī ālam-e-rusvā.ī meñ

aa kabhī lams ko yaksar nazar-andāz kareñ
aañkh se aañkh milā ḳhuun meñ bahne de mujhe

na aalam ham se ḳhush na ḳhud se ham ḳhush
ye biinā aañkh bhī kyā dard-e-sar hai

kyā jāniye dil pe kyā biitī kyā jāniye aañkh ne kyā dekhā
kyuuñ chauñk ke uTh uTh paḌte haiñ ham rātoñ ko sote sote

tū hañsī le ke mirī aañkh ko aañsū de de
mujh se sūkhā huā dariyā nahīñ dekhā jaatā

jis par nisār nargis-e-shahlā kī tamkenat
vo aañkh is ghaḌī hai sajal jāgte raho

is vāste maiñ paas hī rakhtā huuñ aa.ina
mushkil hai apnī aañkh se jazboñ ko dekhnā

vo jalva be-hijāb sahī zid kā kyā ilaaj
jab dil meñ rah ke aañkh se parda kare koī

din bhī shab-rañg ban ga.e apne
pahle sūraj se aañkh miltī thī

jab kisī kī aañkh kā aañsū ho jama.a suukh kar
dekhnā tum ye hī aañsū zalzala de jā.egā

pahle kisī kī aañkh ne pāgal kiyā mujhe
ab huuñ kisī nazar kā tamāshā banā huā

bhar laa.e haiñ ham aañkh meñ rakhne ko muqābil
ik ḳhvāb-e-tamannā tirī ġhaflat ke barābar