English
Favourite
Favourite
UrduShayarUrduShayar
Expand menu
Sign inAccount

Tags-Aankh

maiñ band aañkh se duniyā ko dekh saktā huuñ
ik aisī chashm-e-tamāshā mire vajūd meñ hai
Ghazal
 ye kaun mere alawa mere wajud mein hai
dekh us ko ḳhvāb meñ jab aañkh khul jaatī hai sub.h
kyā kahūñ maiñ kyā qayāmat mujh pe tab laatī hai sub.h
Ghazal
 dekh usko KHwab mein jab aankh khul jati hai subh
muskurātā thā magar aañkh bhī nam thī us kī
us ke siine meñ koī dard chhupā thā kyā thā
Ghazal
 harf-e-inkar ki iqrar-e-wafa tha kya tha
dum na terī uThe auhām-parastoñ kī taraf
aañkh terī na rahe rām-parastoñ kī taraf
Nazm
 kutton se KHitab
ye na kahiye ki mirī aañkh se Tapkā aañsū
chhoḌiye bhī koī TuuTā huā taarā hogā
Ghazal
 tumne bhule se kabhi ye nahin socha hoga
ai 'qamar' aañkh se utar dil meñ
zau-fishānī ho dil ke baaġh meñ kuchh
Ghazal
 shorish-e-harf hai ayagh mein kuchh
aañkh tak dil se na aa.e na zabāñ tak pahuñche
baat jis kī hai usī āfat-e-jāñ tak pahuñche
Ghazal
 kiya tajjub ki meri ruh-e-rawan tak pahunche
duur sahrā meñ jahāñ dhuup shajar rakhtī hai
aañkh kyā shai hai kahāñ jā ke nazar rakhtī hai
Ghazal
 dur sahra mein jahan dhup shajar rakhti hai
qāsid ke donoñ haath khule lab ḳhamosh haiñ
kuchh aañkh meñ payām-e-zabānī kā rañg hai
Ghazal
 farsh-e-zamin pe barg-e-KHizani ka rang hai
koī bhī manzil nahīñ apnī kashish donoñ taraf
paañv miTTī meñ gaḌe haiñ aañkh sayyāroñ meñ hai
Ghazal
 dil bahut masruf tha kal aaj be-karon mein hai
aañkh lalchā.ī huī paḌtī hai jis par merī
ishq us par mirā iz.hār huā chāhtā hai
Ghazal
 har koi us ka KHaridar hua chahta hai
aañkh meñ 'fārūq' aañsū aa ga.e
kyā fasāna aa gayā anjām par
Ghazal
 subh ka dhoka hua hai sham par
chubh rahe haiñ aañkh meñ ḳhvāb-e-pareshāñ raft ke
jism hai is niiñd ke bistar se uktāyā huā
Ghazal
 chal raha hun pesh-o-pas-manzar se uktaya hua
kisī aañkh meñ niiñd aa.e to jānūñ
mirā qissa-e-ġham kahānī nahīñ hai
Sher
 kisi aankh mein nind aae to jaanun
hamārī aañkh meñ aañsū na us ke lab pe hañsī
ḳhayāl ḳhātir-e-abr-e-bahār kyā karte
Ghazal
 shikasta-dil the tera etibar kya karte
aañkh tā-der rahī mauja-e-ġham-nāk meñ tar
hasan kā khel thā ā.īne ko chamkā jaanā
Ghazal
 saneha ho ke raha chashm ka murjha jaana
nishāt-o-ġham kā ta.alluq bhī kyā ta.alluq hai
abhī hañse bhī na the ham ki aañkh bhar aa.ī
Ghazal
 samajh rahe the ki ab shab gai sahar aai
mohtasib ne jo nikālā hameñ maiḳhāne se
duur tak aañkh milāte ga.e paimāne se
Ghazal
 mohtasib ne jo nikala hamein maiKHane se
chāñdnī meñ jo kabhī āñkh-micholī se rachī
tū kahāñ hai tirā ek ek nishāñ boltā hai
Ghazal
 sabr karta hun to ehsas ziyan bolta hai
kisī kī aañkh meñ Dhal jaatā hai hamārā aks
jab ā.īne meñ kabhī ban sañvar ke dekhte haiñ
Ghazal
 misal-e-KHak kahin par bikhar ke dekhte hain
Top Urdushayar.com