Tags-Education

bah jaave lahū ho ke dil-e-qāfila-sālār
ta.alīm de naala jo mirā bāñg-e-jaras ko

fanā tālīm-e-dars-e-be-ḳhudī huuñ us zamāne se
ki majnūñ laam alif likhtā thā dīvār-e-dabistāñ par

mere ajdād kā vatan ye shahr
merī ta.alīm kā jahāñ ye maqām

jān-e-ḳhulūs ban kar ham ai 'shakeb' ab tak
ta.alīm kar rahe haiñ ādāb zindagī ke

jab se dī ta.alīm-e-girya ūstād-e-ishq ne
taḳhta-e-sīna pe tifl-e-ashk ne khīñchā alif

umr-bhar sūraj ke aage haath phailā.e magar
ik sitāre ne mujhe ye raushnī ta.alīm kī

hai jis kī sarisht meñ safāhat kā mail
le jaa.e bahā ke garche ta.alīm kā sail

kī mujh ko haath malne kī ta.alīm varna kyuuñ
ġhairoñ ko aage bazm meñ vo itr mal gayā

junūñ ta.alīm kuchh farmā rahā hai
ḳhirad kā saath chhūTā jā rahā hai

ho gar na tirī baaġh meñ aane kī tavaqqo
kyuuñ sarv ko ta.alīm kare bād-e-sabā raqs

tālīm-o-hunar hī vo ḳhazāna hai jo ab tak
daulat ke luTeroñ se luTā hai na luTegā

ye nukta ishq-nagar ne mujhe kiyā ta.alīm
ki jis ko zer kahā jaa.e vo zabar liyā jaa.e

ġhaur kiije kaise is ta.alīm ne paayā rivāj
kis liye haamī the is ke sāhibān-e-taḳht-o-tāj

tere dharmoñ ne zātoñ kī taqsīm kī
tirī rasmoñ ne nafrat kī ta.alīm dī

jab maiñ aayā thā jahāñ meñ to bahut aalim thā
jitnī ta.alīm milī utnā hī jāhil huā maiñ

kyā past fitratoñ ko baḳhshe hai sar-bulandī
duniyā ke sho.abde se ta.alīm ho.e naTnī

is ko ta.alīm o mohabbat kī zarūrat hai abhī
kam-sinī meñ ye jo be-chāra kamāne niklā

bahut huuñ jaan se bezār yaaro
huī ta.alīm dil par baar yaaro

uf vo purkār jo sunte hī taġhāful kā gila
ishva-o-nāz ko ta.alīm-e-pashīmānī de

ḳhvāb hī to mile haiñ hameñ roTī ke ḳhvāb ta.alīm ke ḳhvāb
hukmarānoñ ne dikhā.e āzādī ke ba.ad na.ī tanzīm ke ḳhvāb