Collections

Lab Shayari

Motivational Ghazals

Best Khamoshi Shayari

More Collections

Tags-Ehsaan

ġhurbat kā ehsān thā ham par
ik thālī meñ khā sakte the

ghurbat ka ehsan tha hum par

ustād ke ehsān kā kar shukr 'munīr' aaj
kī ahl-e-suḳhan ne tirī tārīf baḌī baat

ustad ke ehsan ka kar shukr munir aaj

saañs tak lenā bhī hai dushvār jab is shahr meñ
zindagī tujh par mirā ehsān hai zinda huuñ maiñ

jo bhi milta hai usi ko pujne lagta hun main

ḳhud-kushī kī mire dil ne mujhe dī hai tarġhīb
jab kisī ġhair kā ehsān liyā hai maiñ ne

usko nazrana-e-jaan pesh kiya hai maine

talḳhī-e-vaqt kā shikva na rahe aap ke ba.ad
bār-e-ehsān uThā luuñ to chale jā.iyegā

hangam-e-ruKHsat

ehsān jo uThā.e haiñ auroñ ke vāste
auroñ pe haiñ vo qarz magar maiñ adā karūñ

ahl-e-jahan ke sath wafa ya jafa karun

sayyād ke jigar meñ kare thā sināñ kā kaam
murġh-e-qafas ke sar pe ye ehsān-e-nāla thā

sayyaad ke jigar mein kare tha sinan ka kaam

tum apne aap par ehsān kyuuñ nahīñ karte
kiyā hai ishq to elaan kyuuñ nahīñ karte

tum apne aap par ehsan kyun nahin karte

ḳhalq kī sañg-zanī kā hai ye 'kausar' ehsān
tah meñ jis ke ga.e sab husn o qubah dab mere

teri zulfen tere ruKHsar tere lab mere

tujh sā koī rahbar nahīñ ai dūrī-e-manzil
ehsān tirā ham ne bahr-gām liyā hai

girte hue jab maine tera nam liya hai

ham to ik din na jiye apnī ḳhushī se ai dil
aur hoñge tire ehsān uThāne vaale

zindagi kya hue wo apne zamane wale

kuchh aa hī gayā dost kā dushman kā salīqa
ehsān tirā gardish-e-ayyām bahut hai

nazron ka mohabbat bhara paigham bahut hai

itne din ehsān kiyā dīvānoñ par
jitne din logoñ ne saath nibhāyā hai

sadiyon se insan ye sunta aaya hai

maiñ apne e'timād kā ehsānmand huuñ
mujh ko zamāne bhar meñ jo tauqīr de gayā

ek shaKHs apne hath ki tahrir de gaya

ab bhī aa.e ho to ehsān tumhārā lekin
vo qayāmat jo guzarnī thī guzar bhī ga.ī dost

tujhse mil kar to ye lagta hai ki ai ajnabi dost

safīna Duub bhī jaa.e to ġham nahīñ 'fāriġh'
na bhuul kar kabhī ehsān-e-nāḳhudā lenā

masih-e-waqt sahi hum ko us se kya lena

niist rahte ham to ye saireñ kahāñ se dekhte
ye faqat ehsān hai us zāt-e-pāk-e-mast kā

dekh le jo aalam uske husn-e-baala-dast ka

ehsān masāfat meñ kisī kā nahīñ lete
dīvār ke saa.e meñ Thaharnā bhī nahīñ hai

sahil pe gawara hamein marna bhi nahin hai

ek ummīd kā aalam hai ki thaktā hī nahīñ
bār-e-ehsān se bhī sarf-e-nazar kar aayā

mai-kashi chhoD di tauhin-e-hunar kar aaya

agarche maut ko ham ne gale lagāyā nahīñ
magar hayāt kā ehsān bhī uThāyā nahīñ

agarche maut ko humne gale lagaya nahin