Tags-Ehsaan

yaaro na.e mausam ne ye ehsān kiye haiñ
ab yaad mujhe dard purāne nahīñ aate

zaḳhmoñ pe mire tū ne jis tarah namak chhiḌkā
is niim ināyat kā ehsān mukammal hai

marnā ho 'sirāj' ki jiinā ho be-minnat-e-ġhair ho jo kuchh ho
kyā rah ga.ī ḳhanjar-e-qātil kā gardan pe agar ehsān liyā

huā jahāñ bhī tire vahshiyoñ kā dāman chaak
vahīñ bahār kā ehsān TuuT jaatā hai

hastī kabhī qudrat kā ik ehsān thī ham par
ab ham pe hai qudrat kā ye ehsāñ koī din aur

uThne na diyā kisī ke dar se
ehsān hai mujh pe lāġharī kā

tujh ko ma.alūm nahīñ hai mirī ḳhvāhish kyā hai
mujh pe ehsān na kar aur subuk-sar ho jā

hindostāñ ke gardan-e-ḳhurd-o-buzurg par
hai sach to ye mirā hī hai ehsān-e-shā.erī

dekh ye baar kabhī sar se utartā hī nahīñ
zindagī bhar kī musībat hai na ehsān uThā

mere marne ke rahe muntazir ehsān kiyā
kyuuñ sahī aap ne taklīf sudhāre hote

rakh kisī vaz.a se ehsān kī ḳhū
mujh ko āzār se rāhat hī sahī

detī sharbat hai kise zahr bharī aañkh tirī
ain ehsān hai vo zahr bhī gar detī hai

tujh se likkhe haiñ mire naqsh sū-e-ḳhāk yahāñ
āsmāñ se isī ehsān meñ aa jaatā huuñ

dil kā ehsān hai jo bujh gayā ḳhud hī varna
jaane maiñ kis ko kahāñ DhūñDne niklā hotā

is tarah satāyā hai pareshān kiyā hai
goyā ki mohabbat nahīñ ehsān kiyā hai

buland kartā huuñ dast-e-duā ki jaise maiñ
kisī kī zaat par ehsān karnā chāhtā huuñ

ham ne ehsān asīrī kā na barbād kiyā
marte dam muñh taraf-e-ḳhāna-e-sayyād kiyā

ehsān uThānā hai yādoñ ke ujāloñ kā
sūraj hai samundar meñ aur raat bitānī hai

apne ehsān jo jatāte haiñ
apnā hī martaba ghaTāte haiñ

har shai se vo zāhir hai ye ehsān hai us kā
ḳhud ko mirī nazroñ se chhupāyā to nahīñ hai