Tags-Ehsaan

baḌā ehsān hogā mere dil kā ḳhuun kar Daalo
yahī majbūr kartā hai yahī majbūr hotā hai

ab na ehsān kareñ mujh pe ye kaalī rāteñ
is añdhere meñ jalā koī diyā pahlī baar

ġhair ko muñh na lagā hosh meñ huuñ jab tak maiñ
itnā ehsān mire sāqiyā mujh par kar de

husn-e-aḳhlāq se māñ-bāp kī ḳhidmat karnā
farz to hotā hai ehsān nahīñ hotā hai

garche maiñ kyā mirī vafā.eñ kyā
us kā ehsān agar sarāhe vo

apnī apnī zarūrateñ haiñ 'qais'
varna ehsān kaun kartā hai

nazar fazā hai jahāñ hai jalva tumhārā ehsān sab pe hogā
uThāo aariz se tum jo parda to ghaT na jā.egī tāb-e-āriz

apne ehsān-e-ḳhalq se 'hātim'
aadmī ko abiid kartā huuñ

ahbāb-e-ḳhush-mazāq kā ehsān hai ye 'rāz'
muddat huī thī dil ko ġhazal-ḳhvāñ kiye hue

merī zabāñ pe shikva-e-ahl-e-sitam nahīñ
mujh ko jagā diyā yahī ehsān kam nahīñ

jaisā huuñ jis haal meñ huuñ maiñ
allāh kā ehsān hai sā.īñ

aa kar palaT na ḳhālī ai marg jaan le jā
'fānī' ke sar pe terā ehsān rah na jaa.e

DhūñDh legā aap manzil kārvān-e-zindagī
ġhair kā ehsān kyuuñ leñ himmat-e-mardāna ham

shāḳhcha ḳhāk-e-gulistāñ meñ paḌā hai yaaro
us se ehsān-e-bahārāñ na uThā hai yaaro

gudāz ishq se ma.amūr kar diyā mujh ko
muhāl hai tire ehsān se adā honā

der kyā hai aa mire dil meñ samā jā barq-e-nāz
shikva-sanjī fitrat-e-ehsān meñ dāḳhil nahīñ

ḳhud ko āsān kar rahī ho nā
ham pe ehsān kar rahī ho nā

ehsān-e-rañg ġhair uThāte nahīñ kabhī
apne lahū se khel vo holī hī kyuuñ na ho

husn ai jaan nahīñ rahne kā
phir ye ehsān nahīñ rahne kā

kyā huā aage uThā.e gar 'zafar' ehsān-e-aql
aur agar ab minnat-e-tadbīr phir khīñchī to kyā