Tags-Ehsaan

kuchh ta.alluq hī nahīñ jis kā mire hālāt se
mere mohsin terā ik ehsān mujh par aur hai

jis haath se mujh ko qatl kiyā us haath kā kalima paḌhvāyā
lī jaan to ḳhair ehsān kiyā qātil ne magar īmān liyā

jis shaḳhs pe ehsān abhī maiñ ne kiyā hai
mahfūz ḳhudā rakkhe usī shaḳhs ke shar se

dekhūñ na vo din ki maiñ minnat-e-ehsān luuñ
shaam mirī ai falak ho na sahar dekhnā

ināyat hai tirī bas ek ehsān aur itnā kar
mire is dard kī mī.ād meñ bhī kuchh izāfa kar

hai jo ehsān to kuchh hasrat jāved kā hai
varna pās-e-dil-e-nāshād kiyā hai kis ne

be-niyāzī suuñ terī jāñ-ba-lab aayā hai mujhe
chhoḌ kar taur-e-jafā kuchh rah-e-ehsān meñ aa

us ne ehsān jatā kar ye kahā
aap kis muñh se gila karte haiñ

be-ā.ī marūñ tum pe ki marnā hai muqaddar
kyuuñ muft meñ ehsān uThā.ūñ maiñ qazā kā

rauze pe kyā arz mirā hāl-e-pareshāñ
ehsān na bhūlūñgā kabhī bād-e-sabā kā

lene vaale to sabhī kuchh le ga.e
aap bhī ehsān thoḌā kījiye

ba-nām-e-ishq ik ehsān sā abhī tak hai
vo sāda-lauh hameñ chāhtā abhī tak hai

be-ḳhudī merī be-ḳhudī na rahe
itnā ehsān ġham-gusār na kar

ye bhī ehsān hai qanā.at kā
apnī aTkī nahīñ kisī se ġharaz

bas ek ḳhaak kā ehsān hai ki ḳhair se haiñ
vagarna sūrat-e-ḳhāshāk dar-ba-dar rahte

ghar ujālā tum kuuñ karnā ho agar ehsān kā
to diyā jo kuchh ke ho phir naam us kā lo nahīñ

apne ġham se kaho har vaqt mire saath rahe
ek ehsān karo is ko musalsal kar do

teġh ne gardan judā kī maut ne lī jān-e-zār
mere sar par aap kā ehsān kyā hai kuchh nahīñ

ham ne kab chāhā thā ke ham is tarah lāchār hoñ
ye bhī ham pe dostoñ ke jā-ba-jā ehsān the