Tags-Ehsaas

'fārūq' ab kisī se shikāyat kareñ to kyā
ham ko hī apne hone kā ehsās kam huā

ehsās ke sāhil pe bahut der se gum-sum
maiñ gyaan kī arthī ko liye baiThā huuñ yaaro

sūkhe pattoñ kī tarah TuuT ke gir jaate haiñ rishte bhī agar in ko mohabbat kī tar-o-tāza havā paanī jo ehsā
haañ magar

mahrūmī kā ehsās rahā us se na mil kar
milne pe ye ehsās magar aur sivā thā

chhīn lo ehsās mujh se chhīn lo merā shu.ūr
is ghaTā meñ tan phuñkā is raushnī se man jalā

ye kaisī añgḌā.ī lī hai ehsās-e-zindagī ne
masīh kā rañg rū-e-bīmār par khilā hai

tujh aañkh se jhalaktā thā ehsās-e-zindagī
maiñ dekhtā rahā huuñ tujhe ḳhāk-dān se

barq-e-ġham ban ke jo ehsās-e-nazar phūñk ga.ī
is qadar thī tire ik jumla-e-be-bāk meñ aag

apne ehsās se chhū kar mujhe sandal kar do
maiñ ki sadiyoñ se adhūrā huuñ mukammal kar do

lafzoñ se ehsās kā rishta jis lamhe tak qaa.em hai
sachche samjho yā jhūTe kuchh motī ham bhī piro leñge

'farhat-ehsās' ko ḳhāmosh na hone denā
ki miyāñ sidq-bayānī ke liye aa.e haiñ

ki zahr ho jā.eñge pakvān saare
unheñ ehsās kī thālī meñ mat rakh

is tarah shafaq ko niiñd aa.ī
ehsās ko ḳhvāb aa rahā hai

vo alag ehsās thā jab kashtiyāñ maujoñ meñ thiiñ
lag rahī hai ab kināre se nadī bilkul alag

sirf ronā hai ki jiinā paḌā halkā ban ke
vo to ehsās kī mīzān pe bhārī niklā

dukh to ye hai, vo mire dukh ko samajhtā hī nahīñ
us tak ehsās kī tarsīl nahīñ ho saktī

jazboñ kī laḌā.ī meñ
jab kabhī ehsās par vaar ho jaa.e

mai-gusārī kā ye andāz na dekhā ham ne
sab ke dukh dard kā ehsās nashe kā aalam

mujh pe khultā hai tirī yaad kā jab bāb-e-tilism
tañg ho jaatā huuñ ehsās-e-farāvānī se

but-parastī kījiye is shiddat-e-ehsās se
sañg meñ bhī juzv-e-ehsās-o-ḳhabar rakh dījiye