Tags-Ehsaas

'farhat-ehsās' ek dam āshiq hue the jaane kis ke
dekhte hī dekhte ā.ankhoñ se ojhal ho ga.e the

us ko kho dene kā ehsās to kam baaqī hai
jo huā vo na huā hotā ye ġham baaqī hai

ham apne jazba-o-ehsās le ke pahuñche the
tamām khel vahāñ haath ke hunar kā thā

mazāq-e-bāda-noshī tishna-e-ehsās hai saaqī
na.e andāz se sāġhar khanak jaa.eñ to achchhā hai

zaḳhm-e-ehsās kabhī chain na lene degā
sar-e-maidān-e-tamannā hameñ marnā hogā

jis ko ho daulat-e-ehsās mayassar 'tā.ib'
chain vo kār-gah-e-zīst meñ kam letā hai

apne ehsās meñ utaar use
qurb kā lutf fāsla degā

zindagī jazba-e-rūmān-e-musalsal hī sahī
tere ehsās se rūmān badal jaate haiñ

mahfil meñ jise ma.alūm nahīñ ehsās kī karvaT kyā shai hai
vo dil kī suunī vaadī meñ ġham kī añgḌā.ī kyā jaane

magar jis din ye rishta yaad kā TuuTā to phir us din
na dil hogā na ye ehsās hī ki dil bhī rakhte the

ehsās kā vasīl-e-iz.hār hai ġhazal
ā.īna-dār-e-nudrat-e-afkār hai ġhazal

vo rañg-e-hayā ehsās-e-tarab ā.īna-e-ruḳh ke aks-fagan
ik tābish tere chehre kī ik aañch sī mere siine meñ

jab dard kī sham.eñ jaltī haiñ ehsās ke nāzuk siine meñ
ik husn sā shāmil hotā hai phir tanhā tanhā jiine meñ

apne ehsās pe khīñcho na lakīreñ 'shahnāz'
toḌ bhī Daalo but-e-rahzan-e-bīnā.ī ko

mire ehsās ke ātish-fishāñ kā
agar ho to mire dil tak dhuāñ ho

(thartharātā huā ehsās ke ġham-ḳhāne meñ
nargisī āñkhoñ kā ma.asūm sā shikvā din raat

husn-e-be-gāna-e-ehsās-e-jamāl achchhā hai
ġhunche khilte haiñ to bik jaate haiñ bāzāroñ meñ

us ko ehsās-e-nadāmt hai to phir luuT aa.e
shāyad is baar bhī ham us se ri.āyat kar deñ

farhat-ehsās ko hai saarī haqīqat ma.alūm
mahfil-e-vahm se jaanā bhī nahīñ chāhtā hai

kal Duub rahā thā 'farhat-ehsās'
ham ne bhī tamāshā DaT ke dekhā