Tags-Ehsaas

ye jo niyāz-e-ishq kā ehsās hai tumheñ
shāyad kisī ke naaz uThā.e hue ho tum

yuuñ bhī ehsās-e-alam shab meñ sivā hotā hai
ai shab-e-māh mirī had meñ na aa rahne de

apne va.ade kā ehsās hai to magar dekh kar tum ko aañsū umañD aa.e haiñ
aur agar tum ko ye bhī gavārā nahīñ abr barse baġhair ab nikal jā.egā

ba-juz latāfat ehsās-e-justujū dil meñ
nigār-e-rafta kā koī surāġh hī na milā

mirī nazroñ se ojhal ab maqām-e-johd-e-hastī hai
na vo ehsās-e-ishrat hai, na vo anjum-parastī hai

tum is dayār meñ insāñ ko DhūñDhtī ho jahāñ
vafā mile to ba-ehsās-e-mujrimāna mile

vaqt hī dard ke kāñToñ pe sulā.e dil ko
vaqt hī dard kā ehsās miTā detā hai

kyuuñ taaza havā kā koī jhoñkā nahīñ aayā
ehsās ke dar par koī parda bhī nahīñ thā

sahrā meñ tez dhuup kā ehsās hī nahīñ
baaqī hai ek peḌ abhī āsare meñ huuñ

niiñd TuuTī hai to ehsās-e-ziyāñ bhī jaagā
dhuup dīvār se āñgan meñ utar aa.ī hai

ajiib nashsha-e-ehsās kī giraft meñ huuñ
tire qarīb jo aa.uuñ ḳhumār TūTtā hai

kitnī mushkil hai kisī sher kī tahlīl 'nasīr'
kitnī dushvār hai ehsās kī gīrā.ī bhī

ehsās ko ġham buniyād na kar
ai ishq hameñ barbād na kar

jo na samjheñ dard kyā hai dard kā ehsās kyā
kab tak un ke vāste 'bāsit' ġhazal-ḳhvāñ haa.e haa.e

merī ḳhātir aur vo majbūriyoñ kā e'tirāf
un ke nāzuk dil ko bhī ehsās-e-hijrāñ haa.e haa.e

shiddat-e-ehsās-e-nākāmī kī ātish-gāh se
ḳhirman-e-jazbāt par shola-fishāñ hai zindagī

ik dard kā ehsās jagāne ke liye hī
phūloñ kī tarah ḳhaar ke aate haiñ mujhe ḳhvāb

apne ehsās ke sahrā meñ taqaddus chāhūñ
apne jazbāt kī ghāTī meñ shivāle māñgūñ

apne ehsās kī shiddat ko bujhāne ke liye
maiñ na.ī tarz ke ḳhush-fikr risāle māñgoñ

ye nahīñ pahle tirī yaad se nisbat kam thī
mājrā ye thā ki ehsās meñ shiddat kam thī