Collections

Lab Shayari

Motivational Ghazals

Best Khamoshi Shayari

More Collections

Tags-Ehsaas

ehsās hai phir ḳhāna-badoshī kā hameñ kyuuñ
rahne ko Thikāna bhī hai be-ghar bhī nahīñ ham

go dahr ke naqshe mein hain bahar bhi nahin hum

un ko ehsās-e-dard-e-dil kaisā
mar bhī jā.ūñ to aañkh tar na kareñ

jab duaen bhi kuchh asar na karen

yahāñ tak rafta rafta baḌh gayā ehsās-e-mahrūmī
unheñ dekhā magar tishna-nazar uTThā huuñ mahfil se

na puchho jaan par kya kuchh guzarti hai gham-e-dil se

ehsās kī talḳhiyoñ meñ Dhal kar
dil dard kā chāñd ban gayā hai

har aks KHud ek aaina hai

tujh ko bhī is kā koī ehsās hai
terī ḳhātir Than ga.ī yāroñ ke biich

baiThta uThta tha main yaron ke bich

kal tire ehsās kī bārish tale
merā sūnā-pan nahāyā der tak

kal tere ehsas ki barish tale

ye alag baat ki ehsās judā hoñ varna
rāhateñ ek sī afsurdagiyāñ ek sī haiñ

manzilen ek si aawargiyan ek si hain

dil ko ehsās ke us moḌ pe laa.ī hai hayāt
ab na merī hai ḳhushī aur na ġham merā hai

koi kaba na kalisa na sanam mera hai

zindagī jaisī tavaqqo thī nahīñ kuchh kam hai
har ghaḌī hotā hai ehsās kahīñ kuchh kam hai

zindagi jaisi tawaqqo thi nahin kuchh kam hai

jism meñ ḳhvāhish na thī ehsās meñ kāñTā na thā
is tarah jaagā ki jaise rāt-bhar soyā na thā

jism mein KHwahish na thi ehsas mein kanTa na tha

chāragar jab tujhe ehsās nahīñ hai to phir
kaun samjhe bhalā bīmār kī bīmārī ko

jo chala aata hai KHwabon ki taraf-dari ko

apne ehsās kā manzar hī badal jā.egā
aañkh jhapkegī to kuchh aur nazar aa.egā

dur tak ek syahi ka bhanwar aaega

had hai pastī kī ki pastī ko bulandī jaanā
ab bhī ehsās ho is kā to ubharnā hai yahī

KHak jina hai agar maut se Darna hai yahi

phir aaj shart lagā.ī hai dil ne vahshat se
phir aaj dāman-e-ehsās paak chāhtā hai

darida-jaib gareban bhi chaak chahta hai

tere hāthoñ ne mujh meñ sab rañg bhare
lekin har pal ye ehsās adhūrā huuñ

gili miTTi hath mein le kar baiTha hun

maiñ ne jo kuchh kho diyā ab is ko pā saktā nahīñ
dil se ye ehsās bhī lekin miTā saktā nahīñ

maine jo kuchh kho diya ab isko pa sakta nahin

manzaroñ meñ thī mire husn-e-nazar se āb-o-tāb
pattharoñ ke dil mire ehsās ne dhaḌkā.e the

jab tumhein dekha na tha aankhon mein kitne sae the

ghuTā jaatā hai dam ai soz-e-ehsās
tah-e-dāman dhuāñ hai aur maiñ huuñ

nigah-e-bad-guman hai aur main hun

umr bhar buḳhl kā ehsās rulā.egā tumheñ
maiñ to saa.il huuñ duā de ke chalā jā.ūñgā

koi saughat-e-wafa de ke chala jaunga

kab tak ye mirā zo.am ye ehsās rahegā
duniyā meñ bahut ḳhuub hai kashmīr ziyāda

wahshat hai bahut kam to hai zanjir ziyaada