Collections

Lab Shayari

Motivational Ghazals

Best Khamoshi Shayari

More Collections

Tags-Ehsaas

mujhe ghar bhī chalānā hai ab apnā 'farhat-ehsās'
to kuchh din ke liye ma.aqūl honā chāhtā huuñ

KHilaf-e-gardish-e-mamul hona chahta hun

uTThā usī se ziist ke ehsās kā ḳhamīr
jo dard-e-dil ke zaḳhm kī pahnā.iyoñ meñ thā

saya tha mera aur mere shaidaiyon mein tha

shahr-e-ehsās tirī yaad se raushan kar ke
maiñ ne har ghar meñ tire zikr kī jur.at kī hai

ishq ne jab bhi kisi dil pe hukumat ki hai

ik nayā ehsās dete haiñ vo ahl-e-sañg ko
aabrū ke saath rahnā shahr meñ achchhā na thā

wo meri duniya ka malik tha magar mera na tha

us ko ehsās-e-pazīrā.ī dilāne ke liye
dar-o-dīvār sajānā bhī zarūrī Thahrā

KHwab aankhon mein sajaana bhi zaruri Thahra

vaqt ke saath to ehsās bhī miT jaatā hai
kis ko ma.alūm ki ab dard kahāñ hone lagā

jab bhi saman-e-sukun-e-dil-o-jaan hone laga

sho.ala-e-gul ne liyā dāman-e-gulchīñ se ḳhirāj
ḳhud bahāroñ ko bhī ehsās-e-ḳhizāñ hone lagā

jab bhi saman-e-sukun-e-dil-o-jaan hone laga

ek muddat se jo siine meñ basā hai kyā hai
karb-e-ehsās hai yā karb-e-anā hai kyā hai

ek muddat se jo sine mein basa hai kya hai

isī liye hameñ ehsās-e-jurm hai shāyad
abhī hamārī mohabbat na.ī na.ī hai nā

isi liye hamein ehsas-e-jurm hai shayad

purānī soch ko samjheñ to koī baat bane
jadīd fikr meñ ehsās-e-naġhmagī kam hai

nashat-e-dard ke mausam mein gar nami kam hai

ye tāza-kārī hai tarz-e-ehsās kā karishma
mire luġhat meñ to lafz koī nayā nahīñ hai

udas bas aadatan hun kuchh bhi hua nahin hai

ehsās kī ḳhushbū kahāñ āvāz ke jugnū kahāñ
ḳhāmosh yādoñ ke sivā ghar meñ rahā kuchh bhī nahīñ

socha nahin achchha bura dekha suna kuchh bhi nahin

ek hī satr likhī thī ki ye ehsās huā
lafz aur ma.anī meñ rishta bhī nahīñ hai koī

dil ke nazdik to saya bhi nahin hai koi

rafta rafta bhar gayā har suud se apnā bhī jī
rafta rafta dil se ehsās-e-ziyāñ ḳhālī huā

yaad ki basti ka yun to har makan Khaali hua

taskīn kā baa.is hai kisī aur kā pahlū
ehsās dilātī hai chubhan aur kisī kā

sakin hai koi aur watan aur kisi ka

'farhat-ehsās' kabhī ghar se nikaltā hī nahīñ
shahr vaale use bas naam se pahchānte haiñ

tere suraj ko teri sham se pahchante hain

marg-e-ehsās bil-yaqīn āḳhir
aadmī ban gayā machine āḳhir

marg-e-ehsas bil-yaqin aaKHir

phail kar phir shab-e-tārīk huī bahr-e-siyāh
qatra qatra lab-e-tanhā.ī se Tapke ehsās

qatra qatra ehsas

jahāñ na sukh kā hai ehsās aur na dukh kī kasak
usī maqām pe ab shā.irī hai aur maiñ huuñ

ye lamha zist ka hai bas aaKHiri hai aur main hun

apnī tasvīr banāoge to hogā ehsās
kitnā dushvār hai ḳhud ko koī chehrā denā

wo taDap jae ishaara koi aisa dena