Tags-Ehsaas

koī ḳhayāl koī yaad koī to ehsās
milā de aaj zarā aa ke ham ko ḳhud ham se

kyā ḳhushī meñ zindagī kā hosh kam rah jā.egā
ġham agar miT bhī gayā ehsās-e-ġham rah jā.egā

sher kahtā rahūñ bahtā rahūñ apnī rau meñ
chheḌ chaltī rahe ehsās kī purvā.ī kī

zarra zarra hai tirī ḳhaak kā mahbūb mujhe
us kā ehsās mujhe yaañ hai magar vaañ to na thā

be-gunāhī kā har ehsās miTā de koī
mujh ko is daur meñ jiine kī sazā de koī

guzar jā manzil-e-ehsās kī had se bhī ai 'afqar'
kamāl-e-be-ḳhudī hai be-niyāz-e-hosh ho jaanā

maiñ us ke sāmne se guzartā huuñ is liye
tark-e-ta.alluqāt kā ehsās mar na jaa.e

pakaḌ meñ aa gayā ehsās chhup ke aayā thā
ġhamoñ kī jhiil meñ sailāb dekhne ke liye

sirf ehsās-e-nadāmt ke sivā kuchh bhī nahīñ
aur aisā bhī magar vo bār-hā kartā huā

dukh kā ehsās na maarā jaa.e
aaj jī khol ke haarā jaa.e

chīḳhoñ kā karb naġhmoñ ke sho.ale varaq varaq
ehsās ban rahā hai javāñ dard kī kitāb

ehsās phir za.īfī meñ 'rahbar' huā unheñ
lutf-e-hayāt jin kā javānī meñ kho gayā

ehsās judā.ī donoñ taraf āñkhoñ se merī aañsū haiñ ravāñ
us paar na jaane kaisā samāñ is paar ye pahlī bārish hai

koī jazba koī ehsās na dhaḌkan hai koī
ye agar dil hai mire dost to sahrā kyā hai

mirā ā.īna-e-ehsās hairāñ ho nahīñ saktā
yaqīñ kā nuur paidā kar hī letā hai gumānoñ meñ

itnā qalīl bosa ki ehsās-e-lams bhī
ḳhud-sāḳhta nashe ke asar ke sabab se thā

kisī ko 'ramz' mazlūmī ke is ehsās ne maarā
vo apnoñ kī nazar meñ rahm ke qābil na ban jaa.e

jiine meñ jo ehsās-e-tafāḳhur hai kahāñ hai
jiite chale jaane kī nadāmat ke barābar

musalsal band āñkhoñ se manāzir dekhtā huuñ maiñ
ḳhayāl-o-ḳhvāb meñ ehsās-e-bedārī bhī shāmil hai

ġham meñ bhī rahā ehsās-e-tarab dekho to hamārī nādānī
vīrāne meñ saarī umr kaTī gulzār kī bāteñ karte haiñ