Tags-Ehsaas

ehsās kī mahñgā.ī bahut baḌh ga.ī hai
aaj kal koī nazmeñ ḳharīdne nahiñ aatā

apnā ehsās ban gayā dushman
jab bhī chāhā ki zaḳhm bhar jaa.eñ

jiinā mujhe kaThin ho ki marnā muhāl ho
ehsās-o-āgahī kā magar kyuuñ malāl ho

ye husn-e-chaman hai mire ehsās kī taḳhlīq
varna kahīñ gul hai na kahīñ mauj-e-sabā hai

ehsās kī vaadī meñ koī saut na sūrat
ye manzil-e-irfān tak aane kā sila hai

ḳhud ke ehsās-e-mohabbat ne mujhe zinda rakhā
mere kuchh nek ḳhayālāt ne tābinda rakhā

naġhma hai 'nushūr' apnā afsurda-e-ġham lekin
ehsās kī mahfil meñ kuchh rañg to aayā hai

iḳhtirā.āt ke baa.is hī jahāñ meñ ab tak
na.e ehsās kā be-pāyāñ samundar phailā

mujh ko ehsās-e-āsmāñ na rahā
chhāñv zulfoñ kī thī ghanī kaisī

zahr-e-ġham dil meñ samone bhī nahīñ detā hai
karb-e-ehsās ko khone bhī nahīñ detā hai

tujh ko dekhā nahīñ mahsūs kiyā hai maiñ ne
aa kisī din mire ehsās ko paikar kar de

ehsās ke mai-ḳhāne meñ kahāñ ab fikr-o-nazar kī qindīleñ
ālām kī shiddat kyā kahiye kuchh yaad rahī kuchh bhuul ga.e

vaqt kaT jaa.e agar ālam-e-tanhā.ī meñ
dil meñ ehsās-e-mulāqāt hī mar jaatā hai

ġham-e-jānāñ se rañgīñ aur koī ġham nahīñ hotā
ki is ke dard meñ ehsās-e-besh-o-kam nahīñ hotā

fāsla jab mujhe ehsās-e-thakan baḳhshegā
paañv ko phuul bhī kāñToñ kī chubhan baḳhshegā

use in fāsloñ kā kuchh na kuchh ehsās to hogā
kabhī jis shaḳhs ke siine meñ merā dil dhaḌaktā thā

juġhrāfiya thiiñ yā phir tārīḳh saarī jihatañ
ham ho ke 'farhat-ehsās' apnī jihat se nikle

zindagī kyā hai bas ik ḳhāna-e-mātam 'jāved'
dil dhaḌaktā hai to ehsās-e-fuġhāñ hotā hai

husn kī yaktā.ī kā bas itnā ehsās hai mujh ko
kāñToñ kī tartīb meñ ek gulāb kahāñ rakhnā hai

chauñk uTThā huuñ tire lams ke ehsās ke saath
aa gayā huuñ kisī sahrā meñ na.ī pyaas ke saath