Collections

Lab Shayari

Motivational Ghazals

Best Khamoshi Shayari

More Collections

Tags-Ehsaas

mire andar ka.ī ehsās patthar ho rahe haiñ
ye shīrāza bikharnā ab zarūrī ho gayā hai

mere andar kai ehsas patthar ho rahe hain

ik qurb jo qurbat ko rasā.ī nahīñ detā
ik fāsla ehsās-e-judā.ī nahīñ detā

ek qurb jo qurbat ko rasai nahin deta

na jaane ye ehsās kyuuñ hai mujhe
vo ab tak mire pāsbānoñ meñ hai

zaban hai magar be-zabanon mein hai

dī jis ehsās ne marne kī tamannā ham ko
usī ehsās kī ra.anā.ī ne marne na diyā

kabhi paigham-e-sukun teri nazar ne na diya

hone lagtā hai kuchh ehsās shikast-e-tauba
bāda-ḳhāne pe agar chhā.ī zarā bhī badlī

jam to jam mai-e-hosh-ruba bhi badli

tumhārī ḳhāmosh sulagtī sāñsoñ meñ
apne vajūd kā ehsās DhūñDhtā rahtā huuñ

justuju

is se pahle to kabhī ehsās hotā hī na thā
tujh se mil kar sochte haiñ ro liye tanhā bahut

isko pahli bar KHat likkha to dil dhaDka bahut

nafas nafas meñ thā ehsās-e-ḳhāna-vīrānī
ḳharāba-e-ġham-e-hastī ko ghar kahā na gayā

labon tak aaya zaban se magar kaha na gaya

'sādiq' us moḌ pe le aate haiñ hālāt hameñ
mauj-e-ehsās zarā aaj Thaharne se rahī

zindagi gham ke andheron mein sanwarne se rahi

lab pe pābandī to hai ehsās par pahrā to hai
phir bhī ahl-e-dil ko ahvāl-e-bashar kahnā to hai

lab pe pabandi to hai

mere ehsās kī garmī mire dil kī barsāt
sab ruteñ haiñ tirī āñkhoñ se numāyāñ ab tak

kar-e-wahshat mein bhi majbur hai insan ab tak

na apne qad kā na apne hajm kā hai ehsās
ḳhalā kā dasht subuk-bār kar gayā kaisā

badan ki aanch se chehra nikhar gaya kaisa

be-gharī kā mujhe ehsās dilāne vaale
tū ne bartā hai mirī be-sar-o-sāmānī ko

dosh dete rahe be-kar hi tughyani ko

safar nasīb huā jab se shāh-rāhoñ par
to fāsloñ kā bhī ehsās miTtā jaatā hai

saja saja sa nae mausamon ka chehra hai

taufīq faqat mujh ko huā jāda-e-ehsās
yā qāfile is tiira ḳhalā meñ haiñ ravāñ aur

hai yak do nafas sair-e-jahan-e-guzran aur

ḳhuuñ chūste lamhoñ se kaho haath pasāreñ
ehsās kī sūrat abhī zardā.ī kahāñ hai

aaankhon pa abhi tohmat-e-binai kahan hai

vo jo ba-zāhir har zarra hai tez havāoñ meñ
apne hone kā ehsās mukammal rakhtā hai

dil ko darun-e-KHwab ka mausam bojhal rakhta hai

ehsās-e-husn-e-zarf se miltī hai aabrū
paanī kī ek buuñd ko gauhar kahā gayā

ki ehtiyat dal ne bahut par kaha gaya

ham dozaḳh-e-ehsās meñ jalte hī raheñge
ye fikr kā hāsil hai basīrat kī sazā hai

hum dozaKH-e-ehsas mein jalte hi rahenge

sham-e-ehsās bujhā kar haiñ sar-e-arsh-e-barīñ
is bulandī se hameñ tum na utāro logo

dil ke zaKHmon ki lawen aur ubhaaro logo