Tags-Ehsaas

koī to garmī-e-ehsās se miltā us se
itne din ba.ad to vo lauT ke ghar aayā thā

musībat kā ehsās himmat-fazā hai
ki arbāb-e-bīnish kī ab rahnumā hai

āñdhiyoñ se kabhī bujhtī nahīñ ummīd kī lau
yuuñ hī ehsās ke dīpak ko jalā.e rakhnā

be-hisī kī dabīz chādareñ
saare ehsās so ga.e

lamhoñ kā bhañvar chiir ke insān banā huuñ
ehsās huuñ maiñ vaqt ke siine meñ gaḌā huuñ

aap ke sajde meñ rūh-e-sajda ai 'mānī' kahāñ
kaash ye ehsās hotā ḳham hai peshānī kahāñ

ḳhud-kushī karne chalā huuñ mujhe roko 'tāriq'
zaḳhm-e-ehsās meñ chubhte hue nashtar le kar

kis na.e lahje meñ ab ruuh kā iz.hār karūñ
saañs bhī chaltī hai ehsās kā ḳhanjar le kar

Dubo deñ mai-e-nāb kī mastiyoñ meñ falākat ke nakbat ke ehsās ko
banā leñ kisī āmiyāna se kuuze hī ko jām-e-jam itnī fursat kahāñ

jo mere vasl kā ehsās tujh pe taarī hai
kisī ke lams kī saarī chhuvan utaar ke aa

dard meñ shiddat-e-ehsās nahīñ thī pahle
zindagī raam kā ban-bās nahīñ thī pahle

kaun hai jis ne mire qalb kī dhaḌkan dhaḌkan
apne ehsās kī suulī pe chaḌhā rakkhī hai

sau duāoñ kā mustaqil ehsās
bandagī ke savāb jaisā ishq

mere ehsās ne sāvan meñ gañvā.ī hai nazar
mujh ko sūkhā huā jañgal bhī harā lagtā hai

zī-fahm dānish-var
apne ehsās pe lage zaḳhmoñ ko

raat din lipTā hai pairoñ se mire andhā safar
ajnabī ehsās manzil kā patā de jā.egā

nālāñ huuñ maiñ bedārī-e-ehsās ke hāthoñ
duniyā mire afkār kī duniyā nahīñ hotī

māmūra-e-ehsās meñ hai hashr sā barpā
insān kī tazlīl gavārā nahīñ hotī

jagmagāte jāgte rishtoñ ke sar kaT jā.eñge
jab koī ehsās ke pinjre meñ Dar rakh jā.egā

ehsās mujh ko itnā bhī ab to nahīñ 'navāb'
maiñ jī rahā huuñ aaj bhī ki mar gayā huuñ maiñ